صبح اٹھوں تو ایڑھی کے درد سے بے حال ہوجاتی ہوں۔۔۔خواتین میں ایڑھی کا درد کیوں عام ہے؟

آج کل کسی بھی خاتون سے پوچھیں تو ایک ہی مسئلہ نظر آتا ہے ۔۔پاؤں کا درد اور خاص طور پر ایڑھی میں شدید تکلیف۔۔یہ تکلیف اکثر صبح سو کر اٹھیں تو شدید ہوتی ہے اور اسے کم ہونے میں کچھ وقت لگتا ہے۔۔۔اس لئے صبح اٹھتے ہی اس پر وزن نا ڈالا جائے تو بہتر ہے ۔۔۔لیکن سوال یہ ہے کہ وہ کیا وجوہات ہیں جن کی بناء پر یہ درد ہوتا ہے؟

وٹامن ڈی کی مقدار کم ہونے کی وجہ سے

جسم میں جب وٹامن ڈی کی مقدار کم ہوجائے تو بھی پہلے ہلکا ہلکا ارو پھر شدید درد مستقل بنیادوں پر رہنے لگتا ہے۔۔۔اس درد کی صورت میں فوراً وٹامن ڈی کا ٹیسٹ کروانا چاہئے اور اگر مقررہ مقدار سے تھوراً بھی کم ہو تو اس کا علاج فوری کروانا چاہئے-

موٹاپے کی وجہ سے

جسم پر زائد وزن کے باعث بھی ایڑھی کا درد پنپتا ہے اور اگر اس کے ہونے کی کچھ اور بھی وجوہات ہوں لیکن وزن کی زیادتی کی وجہ سے یہ شدید ہوتا چلا جاتا ہے کیونکہ اس پر دباؤ پڑتا ہے ۔۔۔اور خاص طور پر اگر آپ اس حالت میں بہت دیر کھڑے رہیں تو لازمی یہ درد شدت اختیار کرے گا۔۔۔

پریشانی اور فکر سے

بات شاید عجیب لگے لیکن اس کا تعلق آپ کے دماغی دباؤ کی وجہ بھی ہوتی ہے۔۔۔اگر آپ نے ہر چھوٹی چھوٹی بات کا اسٹریس لیا ہے اور آپ کو ڈپریشن کی تکلیف بھی رہتی ہے تو آپ کی ایڑھی اس تکلیف کو سہہ نہیں پاتی اور شدید درد کرتی ہے۔۔۔

یورک ایسڈ کی مقدار بڑھنے کی وجہ سے

وہ تمام لوگ جو گوشت خور ہیں ان کی ایڑھی میں درد عموماً بہت زیادہ ہوتا ہے اور ایک بنیادی وجہ یہ بھی ہے کہ اکثر ان کا یورک ایسڈ مقررہ مقدار سے بڑھ جاتا ہے۔۔۔جب جسم میں یورک ایسڈ بڑھتا ہے تو وہ جوڑوں کے گرد کرسٹلز کی دیوار بنانا شروع کرتا ہے اور پھر یہ جوڑوں کو جام کردیتا ہے۔۔۔

صحیح جوتا نا پہننے کی وجہ سے

وہ جوتا جس کی کوئی شیپ نا ہو اور وہ بالکل ہموار ہو سطح سے ۔۔۔انتہائی نقصان دہ ہے پیروں کے لئے۔۔۔ایسا جوتا مستقل بنیادوں پر آپ کے پاؤں کی ساخت خراب بھی کرسکتا ہے اور دیگر ذہنی اور جسمانی تکالیف کا شکار بھی بنا سکتا ہے-

By Shaista    |    In Health and Fitness   |    0 Comments    |    2427 Views    |    05 Jan 2022

Comments/Ask Question

Read Blog about صبح اٹھوں تو ایڑھی کے درد سے بے حال ہوجاتی ہوں۔۔۔خواتین میں ایڑھی کا درد کیوں عام ہے؟ and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (صبح اٹھوں تو ایڑھی کے درد سے بے حال ہوجاتی ہوں۔۔۔خواتین میں ایڑھی کا درد کیوں عام ہے؟) and how to utilize other natural ingredients to cure diseases, easy recipes, and other information related to food from KFoods.