افغانستان پوری دنیا کو انار کا جُوس کیوں بھیج رہا ہے، اس جوس میں ایسی کیا خاص بات ہے؟

انار کا جوس اس وقت افغانستان پوری دنیا میں برآمد کر رہا ہے۔ افغانستان میں تیار کیا جانے والا انار کا جوس پہلی بار امریکہ بھی برآمد کیا گیا ہے۔ افغان میڈیا کے مطابق افغان صوبے ہرات کی فیکٹری میں بڑی تعداد میں خالص انار کا رسیلا جوس تیار کیا جاتا ہے جس کی پیداوار بڑھنے کی وجہ سے اسے دنیا بھر میں برآمد کیا جا رہا ہے تاکہ افغانستان معاشی طور پر خود کو مضبوط رکھ سکے۔

افغان حکام کے مطابق 45 ٹن انار کے جوس کے 2 کنٹینرز امریکہ بھیجے گئے ہیں۔ انار کا جوس ایران، متحدہ عرب امارات ،جرمنی ، قازقستان ، پاکستان، بھارت اور ترکیہ میں بھی برآمد کیا جا چکا ہے۔ ہرات کی جوس فیکٹری 2018 سے کام کر رہی ہے۔ انار کے جوس کی کھیپ کراچی کی بندرگاہ سے امریکہ برآمد کی گئی۔

انار کے جوس کے فائدے؟

٭ اس وقت افغانستان میں اعلیٰ قسم کے انار جو بہترین فرٹیلائزر کی مدد سے کاشت کیے جارہے ہیں۔ ان اناروں میں بڑی مقدار میں ہائی نیوٹرینٹس کیلوریز، کاربوہائیڈریٹس اور فیٹ پایا جاتا ہے جو نہ صرف جسم کو طاقت و توانائی پہنچانے کا اہم ذریعہ ہے بلکہ کمزور مدافعتی نظام کو تحفظ فراہم کرنے میں مفید ہے۔