بچپن میں جنسی زیادتی کا نشانہ بنایا گیا.. عدیل ہاشمی نے بچپن میں پیش آیا افسوس ناک واقعہ سنا دیا

ہمارے معاشرے میں چھوٹے بچوں کو گڈ ٹچ اور بیڈ ٹچ سے آگاہی نہیں دی جاتی. کم عمر بچوں سے جنسی موضوعات پر بات کرنا برا سمجھا جاتا ہے جس کی وجہ سے اکثر ایسے افسوسناک حادثات پیش آتے ہیں جن کا اثر ایک کم سن کی پوری زندگی تباہ کردیتا ہے.

ایسا ہی ایک دردناک واقعہ نامور شاعر فیض احمد فیض کے نواسے اور اداکار عدیل ہاشمی کے ساتھ پیش آیا. مسرت مصباح کے شو میں زیادتی کے موضوع پر بات کرتے ہوئے عدیل ہاشمی نے کہا کہ

"میرے ماضی میں اتنے دلخراش واقعات ہیں کہ کیا بتاؤں، چہرے پر سجی یہ مسکراہٹ بناوٹی ہے نہ جانے کتنے سمندر پار کرکے آرہی ہے"

عدیل ہاشمی نے انکشاف کیا کہ "80 کی دہائی میں جب میں پبلک اسکول میں ساتویں جماعت کا طالب علم تھا اس وقت مجھے جنسی استحصال کا نشانہ بنایا گیا. اس دور میں جنسی استحصال کے بارے میں لوگ زیادہ فہم نہیں رکھتے تھے"

عدیل ہاشمی نے گفتگو جاری رکھتے ہوئے مزید کہا کہ میری کلاس میں 8 سے 10 ایسے لڑکے تھے جو سالوں سے فیل ہورہے تھے، ان لڑکوں کا گروپ مجھے تنگ کرتا تھا، وہ بچے ہم سے کئی سال بڑے تھے، وہ مجھے چھوٹا سمجھ کر bully کرتے تھے، اسی دوران مجھے ساتویں کلاس میں جنسی زیادتی کا نشانہ بنایا گیا. اس بات کا تذکرہ میں اپنے بھائی والد سے بھی نہیں کرتا تھا کیونکہ مجھے ڈر لگتا تھا اگر ٹیچر کو بتاؤں گا تو یہ لوگ مجھے اور تنگ کریں گے"

عدیل ہاشمی نے کہا کہ "یہ دردناک سلسلہ سالوں تک چلتا رہا، اب بھی اگر مجھ سے کوئی بچپن کا ذکر کرے تو میں کان پکڑ کر سوچتا ہوں کہ اچھا ہوا اللہ کا شکر میرا بچپن ختم ہوگیا، میں اپنے بچن میں واپس بھی نہیں جانا چاہتا"

افسوس کی بات تو یہ ہے کہ دہائیوں پہلے پیش آنے والی صورتحال اب تک زیادہ نہیں بدلی ہے. اگرچہ پہلے کے مقابلے میں اب شعور موجود ہے لیکن کم عمر بچوں کو بنیادی جنسک معاملات سمجھانا ابھی بھی برا سمجھا جاتا ہے. جبکہ اساتذہ اور والدین باہمی مشاورت سے بچوں کی عمر کے مطابق انھیں شعور دے سکتے ہیں تاکہ کسی بھی برے وقت میں وہ اپنی حفاظت کے لئے مدد مانگ سکیں.