یورک ایسڈ کی زیادتی ہو یا جگر کی چربی ۔۔ خواتین کے مخصوص اور دیگر امراض کے لیے معجزاتی نسخہ جانیے حکیم رضا الہی سے

آج کل جتنی تیزی سے بیماری بڑھ رہی ہیں ایسا لگتا ہے کہ ہر دوسرا شخص کسی نہ کسی مرض یا تکلیف میں مبتلا ہے، خاص کر خواتین میں۔ اسی حوالے سے آج ہم آپ کے لیئے لائے ہیں حکیم رضا الہٰی کا بتایا ہوا ایسا کمال کا نسخہ جو مختلف بیماریوں میں آپ کے کام آسکتا ہے۔

یورک ایسڈ کا مسئلہ ہو، جگر کی چربی ہو، ہیپاٹائٹس (اے، بی، سی)، گردے کے مسائل، پیشاب کا انفیکشن، یا پھر قبل از وقت بالوں کا سفید ہونا۔ اس ایک نسخے کے استعمال سے ان تمام مسائل کو حل کیا جا سکتا ہے، آئیے جانتے ہیں اسے بنانے کیلیئے کیا چیزیں درکار ہیں۔

اجزاء:

ترپھلہ (ہرڑ، بہیڑا، آملہ) 3 پاؤ

چینی 30 گرام

اجوائن 30 گرام

ریوند چینی (ثابت) 30 گرام

کالا نمک 30 گرام

نیم کی نمبونیا 30 گرام

بکائن 30 گرام

دہی 1 کلو

طریقہ کار:

٭ سب سے پہلے ایک مٹی کی دیگچی لیں اور اس میں یہ تمام چیزیں ڈال کر اوپر سے دہی شامل کریں (دہی اتنی ہو کہ سارے اجزاء اس میں ڈوب جائیں)۔

٭ اب اسے مٹی کے ڈھکن سے ڈھک کے چاروں طرف سے آٹے لگا کر بند کردیں اور 21 دنوں تک رکھ دیں۔

٭ 21 دنوں بعد ڈھکن ہٹا کے اندر موجود تمام چیزوں کو پیس کر پاؤڈر بنا کے ڈبے میں بھر کے رکھ دیں۔

٭ اب اسے روزانہ آدھا چمچ صبح شام کھانے کے بعد استعمال کریں۔

٭ ہیپاٹائٹس میں مبتلا افراد اسے 3 ماہ تک دن میں ایک بار دہی کی لسی کے ساتھ استعمال کریں۔