گرمی کا موسم ہے اور سر میں بہت کھجلی ہو رہی ہے؟ تو اب پریشان نہ ہوں جانیں 5 ایسے گھریلو نسخے جن سے آپ کو مل جائے گی سر کی کھجلی سے مکمل نجات

موسم گرمی کا ہو تو پسینے سے اور سردی کا ہو تو خشک ہونے کی وجہ سے سر میں کھجلی ہوتی ہے یہ ایک عام سے بات ہے لیکن اب یہ مسئلہ اور نہیں کیونکہ ہم آج آپ کو بتانے جا رہے ہیں چند ایسے گھریلو نسخے جن سے آپ کھجلی کو ختم کر سکتے ہیں۔

یہ نسخے استعمال کر کے آپ با آسانی سر کی کھجلی سے نجات پا سکیں گے، وہ نسخے کون سے ہیں چلیں پھر شروع کرتے ہیں۔

سر کی کھجلی سے نمٹنے کے لئے گھریلو نسخے

سیب کا سرکہ

سیب کے سرکے میں اینٹی بیکٹیریل، اینٹی سوزش اور اینٹی فنگل خصوصیات ہوتی ہیں، اس سے خشک جلد کی وجہ سے ہونے والی خارش کو کم کرنے میں مدد مل سکتی ہے، سیب کے سرکے کو اسپرے بوتل میں بھر کر اپنے سر کی جلد پر ہفتے میں کئی مرتبہ چھڑکیں اس سے آپ کو کھجلی سے مکمل نجات مل جائے گی اگر جلن ہو تو سرکے کی برابر مقدار میں پانی ملا لیں۔

لیموں کا رس

لیموں میں اینٹی بیکٹیریل خصوصیات موجود ہوتی ہیں، اس لئے اس سے آپ کے سر کی جلد سے خارش پیدا کرنے والے جراٹیم مر جاتے ہیں، لیموں کا نچوڑ کر اس کا رس کسی پیالی میں نکالیں اب روئی کو س رس میں بھگو کر روئی کی مدد سے سر کی جلد پر یہ رس لگائیں اور 10 منٹ تک رہنے دیں پھر سر دھو لیں، خارش کا خاتمہ ہو جائے گا۔

ادویات

اس میں کوئی حیرانی کی بات نہیں ہے کہ سر کی خارش کی ایک وجہ ذہنی دباؤ بھی ہو سکتا ہے اس لئے اگر آپ کسی قسم کے ذہنی دباؤ یا انزائیٹی سے گزر رہے ہیں تو اس کا علاج کروائیں اور دواؤں کی مدد سے خارش کو ختم کریں۔

ناریل کا تیل

کھوپرے یا ناریل کے تیل میں لورک ایسڈ پایا جاتا ہے جس میں اینٹی مائیکروبیل خصوصیات موجود ہوتی ہیں، یہ تیل جلد میں مؤثر طریقے سے جذب ہو جاتا ہے، اور خارش وغیرہ بھی دور ہو جاتی ہے، سر پر اس تیل سے مساج کریں اور 2 گھنٹے بعد نہا لیں۔

کالی مرچ کا تیل

کالی مرچ کا تیل سر کی جلد کی کھجلی سوزش اور جلن کے ساتھ ساتھ خشکی کا بھی خاتمہ کر سکتا ہے، اس تیل کو کسی اور تیل کے ساتھ برابر مقدار میں ملا کر سر پر مالش کریں اور پھر سر دھو لیں، خارش میں آرام آ جائے گا۔

سر کی خارش ایک ایسی شکایت ہے جس کو گھریلو ٹوٹکوں کی مدد سے بھی ٹھیک کیا جا سکتا ہے لیکن اگر آپ کے سر کی جلد کسی اور بیماری کا شکار ہے تو ڈاکٹر سے رجوع کریں اور کوئی گھریلو ٹپ استعمال نہ کریں۔