تبت سنو ایسا اثر دکھائے کہ وقت بھی دھوکہ کھائے ۔۔ کچھ ایسی پُرانی چیزیں جو آج بھی لوگ شوق سے استعمال کرتے ہیں

پُرانی چیزیں بے مثال ہیں ان کی کوئی مثال نہیں ملتی۔ وہ کہتے ہیں نا کہ اولڈ از گولڈ، وہ سچ کہتے ہیں۔ پہلے کے دور میں ہر گھر میں تبت پاؤڈر اور کریم موجود ہوتی تھی اور یہ وہ واحد میک اپ ہوتا تھا جو گھر میں سب ہی کرتے تھے اسی طرح کئی اور بھی چیزیں ہیں جو شاید آج بھی آپ بھی اپنے گھر میں شوق سے استعمال کرتے ہوں گے۔

تبت پراڈکٹس

آج بھی خواتین تبت کے پراڈکٹس کا خاص استعمال کرتی ہیں، چاہے وہ تبت کریم ہو یا پاؤڈر اور اب تو سردیاں آنے والی ہیں، تبت سنو کریم کی مانگ میں پھر سے اضافہ ہونے والا ہے۔

گیس کی استری

پہلے ہر گھر میں نیشنل کی استری یا پھر گیس کی ایسی استری موجود ہوتی تھی اور اب بھی بہت سے لوگ ایسے ہیں جو انہی استریوں کو استعمال کرتے ہیں کیونکہ یہ کم وقت میں زیادہ کپڑے استری کر دیتی ہیں۔

جس گھر میں نانی دادی، نانا، دادا، بڑے بزرگ ہوتے ہیں اس گھر میں کبھی کوئی نہ تو رات کو بھوکا سوتا ہے اور نہ ہی کسی سے کوئی لمبے عرصے کے لئے ناراض ہوتا ہے۔ جب بڑے بزرگ گھر میں موجود ہوتے ہیں تو ایک اطمینان ہوتا ہے ان کے ساتھ بیٹھنے، وقت گزارنے کا مزہ ہی الگ ہوتا ہے اور سب سے زیادہ مزہ تو اس وقت آتا ہے جب ان کی چیزوں کو کوئی چھیڑ دے تو بس پھر وہ شرارت اور پیار بھری ڈانٹ بھی اچھی لگتی ہے۔

بڑے بزرگوں کی چیزیں بھی ان کی طرح بے مثال تھیں، اب اگر آپ کے گھر میں نانا، نانی یا دادا اور دادی ہیں تو آپ کے گھر میں بھی ان کی یہ قیمتی چیزیں بھی ضرور موجود ہوں گی۔

٭ پان دان:

پہلے دادیوں کے پاس اس قسم کے پاندان ہوتے تھے اور دعوتوں پر سارا خاندان بچے سے بڑے تک سب ہی دادی کو سلام کرکے پان دان سے پان کھایا کرتے تھے جوکہ ایک پُرمسرت لمحہ ہوتا تھا مگر آج یہ روایت شاید ماند ہو کر رہ گئی ہے۔

٭ سُرمہ دانی:

پہلے گھروں میں ایسی سُرمہ دانی ہوتی تھی اور مائیں اسی سے سرمہ لگاتی تھیں، اپنے بچوں کو۔ نہلانے دھلانے کے بعد بچوں کو کہیں بھی جانے سے پہلے دادی بھی کالا ٹیکہ لگاتی تھیں تو یہی پیتل کی سُرمہ دانی نکال کر لگاتی تھیں جس سے آنکھوں میں خوبصورت جھلکتی تھی۔

٭ تالا:

یہ بڑا سا تالا پہلے گھروں میں موجود ہوتا تھا اور یہ صرف بڑے ہی گھر کے بند کرسکتے تھے، اگر غلطی سے کسی بھی بچے کے ہاتھ یا پیر پر گر جاتا تھا تو وہ سوج جاتا تھا جس پر گھر والے اور خصوصاً دادا جی کی تو ڈانٹ ضرور ہی پڑتی تھی۔ لیکن اب ایسے تالے کم ہی پائے جاتے ہیں۔

٭ لکڑی کی کنگھی:

دادی بالوں میں کنگھی کرنے کے لئے جب اپنی لکڑی کی ایسی کنگھی نکالتی تھیں تو سارے بچے سائیڈ پر جا کر بیٹھ جاتے تھے کہ اب دادی سب کے بالوں میں یہ کنگھی پھیریں گی یا پھر والدہ کریں گی، یہ کنگھی بہت فائدے مند ہوتی تھی، اس پر جوئیں بھی اچھی نظر آتی تھیں اور نہ یہ اضافی بال توڑتی تھی۔

٭ کپڑے سینے کی مشین:

پہلے گھروں میں ایسی مشینیں ہوتی تھیں جن میں موٹر کی جگہ یوں پہیے لگے ہوتے تھے اور پیروں سے نیچے کی پلیٹ ہلاتے رہتے تھے اور یوں مشین چلتی رہتی تھی، آج بھی درزیوں کے پاس ایسی مشینیں ہیں اور گھروں میں جو خواتین سلائی کرتی ہیں وہ اپنی ماؤں کی پُرانی مشینیں شوق سے استعمال کرتی ہیں۔