سونا ہے تو یہ طریقہ آزمائیں ۔۔ ماں شرارتی بچوں کو کون سا انوکھا کام دے کر خود سکون سے سو گئی؟

جب خواتین کے بچے چھوٹے ہوتے ہیں ان کے لیئے تھوڑی دیر بھی سکون سے سونا محال ہوتا ہے، جہاں آنکھ لگی وہاں بچے شرارت کرنا شروع۔ ایسے میں خواتین کو ہر وقت چوکنا رہنا پڑتا ہے۔

مگر ایک خاتون نے بچوں کے سامنے سونے کا دلچسپ طریقہ ڈھونڈ نکالا۔ جو یقیناً ہر عورت جاننا چاہے گی، تو آئیے آپ کو بتاتے ہیں۔

سوشل میڈیا پر ایک ویڈیو کافی وائرل ہو رہی تھی، جس میں ماں اور اسکے 2 بچے تھے۔

وائرل ہونے والی اس دلچسپ ویڈیو میں دیکھا جا سکتا ہے کہ ماں نے اپنی عقل کو استعمال کرتے ہوئے بچوں کے ساتھ ایک کھیل کھلا تاکہ بچے وہ اسے تنگ نہ کر سکیں اور اس کی نیند بھی پوری ہو جائے۔

ویڈیو میں آپ دیکھ سکتے ہیں کہ ماں سو رہی ہے اور بچے اس کے اردگرد موجود ہیں مگر اسے جگانے کے بجائے وہ کاپی پر کچھ بنانے میں مصروف ہیں۔ کیونکہ ماں نے ان سے کہا کہ، وہ سوتے میں اس کی تصویر بنائیں، بچے فوراً کاپی پینسل لے کر تصویر بنانے میں لگ گئے جبکہ اس دوران ماں نے اپنی نیند پوری کر لی۔

ہوشیار ماں نے اس طریقےسے نہ صرف اپنی نیند پوری کی بلکہ بچوں کی تخلیقی صلاحیت میں اضافے کیلئے ان سے اپنی تصویر بھی بنوائی۔ اور دوسری خواتین کو بھی ایک منفرد آئیڈیا دے دیا آرام کرنے کا۔