میں 3 کروڑ روپے دیتا ہوں، مگر آپ ۔۔ نرگس دین کی جانب کیسے آئیں اور مولانا طارق جمیل نے انہیں پیسوں کی پیشکش کیوں کی تھی؟

ماضی کی مشہور تھیٹر و اسٹیج اداکارہ نرگس نے اسلام قبول کرنے کے بعد اپنی زندگی میں تبدیلیوں پر بات کی ہے۔

انہوں نے کہا کہ پہلے وہ گانے سن کر سوتی تھیں لیکن اب دین کی تقریریں سن کر سوتی ہیں اور انہیں تہجد کے لیے الارم کی ضرورت نہیں پڑتی۔ نرگس نے اپنی رقص کی کمائی سے ہمیشہ زکوۃ دی اور یہ بھی کہا کہ وہ اپنے کام کو عبادت سمجھ کر کرتی تھیں۔

نرگس نے اپنی پچھلی زندگی کے بارے میں بتایا کہ انہوں نے کبھی بھی فحاشی نہیں کی بلکہ اپنے رقص میں شاعری کو اہمیت دی تھی۔ ان کا کہنا تھا کہ وہ ہمیشہ اپنی کمائی سے زکوۃ ادا کرتی تھیں اور اس سے ان کی کمائی پاک ہوتی تھی۔ وہ مولانا طارق جمیل کے ذریعے دین اسلام کی طرف مائل ہوئیں اور ان کے ساتھ پہلی بار حج کیا۔

اداکارہ کا کہنا تھا کہ انہوں نے اس وقت مختلف پروڈیوسرز سے معاہدے کر رکھے تھے، انہوں نے پروڈیوسرز سے 3 کروڑ روپے بھی لے رکھے تھے، اس لیے انہیں مولانا طارق جمیل نے پیش کش کی کہ ان کے لیے ہوئے پیسے وہ ادا کرتے ہیں لیکن پہلے وہ خود ایک طرف ہوجائیں

لیکن نرگس نے مذہب کی خاطر سب کچھ چھوڑ دیا اور اپنی زندگی کو دین کے راستے پر لگا دیا۔ انہوں نے اپنی کمائی سے کئی مساجد اور امام بارگاہیں بنوائیں اور لوگوں کو حج بھی کرایا۔

نرگس نے یہ انکشاف بھی کیا کہ جنرل پرویز مشرف نے 2003 میں انہیں رقص کے لیے 25 لاکھ روپے کی پیش کش کی تھی، جسے انہوں نے مسترد کر دیا اور کہا کہ وہ گورنر ہاؤس میں پرفارمنس نہیں کریں گی۔ اب وہ پانچ بار حج کر چکی ہیں اور روزانہ نمازیں اور تہجد پڑھتی ہیں۔