جن مجھے شادی نہیں کرنے دیتا.. نشو بیگم کے لئے بڑھاپے میں کس کا رشتہ آگیا؟

"میرے نصیب میں شادی لکھی ہی نہیں ہے. اگر کوئی مجھ سے شادی کرتا ہے تو وہ اللہ کے پاس چلا جاتا ہے. مجھ پر ایک جن کا سایہ ہے جو میری شادی کو پسند نہیں کرتا. وہ یہ نہیں چاہتا کہ میں شادی کروں"

یہ کہنا ہے ماضی کی مشہور اداکارہ نشو بیگم کا جنھوں نے حال ہی میں دیگر سینئر اداکاراؤں سنگیتا، بشریٰ انصاری وغیرہ کے ساتھ انٹرویو میں شرکت کی. میزبان کی جانب سے ایک بہت بڑے تاجر کے رشتے کے جواب میں نشو بیگم نے انکشاف کرتے ہوئے کہا کہ

"کوئی جناتی کام ہے جو میری شادی کو پسند ہی نہیں کرتا. ایک ایسا جن ہے جو مجھے شادی نہیں کرنے دینا چاہتا. مجھے کسی کے ساتھ نہیں رہنے دینا چاہتا اس لیے میں سوچتی ہوں کہ کہیں اگر میں نے شادی کرلی تو وہ جن ناراض بھی ہوسکتا ہے.

"میں کھاتی پیتی ہوں. اچھے کپڑے پہنتی ہوں. عیش کرتی ہوں.وگوں سے ملتی ہوں اپنی مرضی سے سوتی اور جاگتی ہوں. شادی ایک بہت بڑی ذمہ داری ہے جس کیلئے انسان کو خود کو وقف کرنا پڑتا ہے. میری قسمت میں شادی لکھی ہی نہیں. جب شادی کرتی ہوں تو وہ اللہ کے پاس چلا جاتا ہے، اس لیے کہتی ہوں مجھ سے شادی نہ کریں میں ذمہ دار نہیں ہوں۔ جو رشتہ میرے لئے آیا ہے ان کے لئے میرے پاس یہی جواب ہے کہ جن کو اپنی جان عزیز ہے وہ مجھ سے شادی نہ کریں.

واضح رہے کہ اس سے قبل نشو بیگم کی شادی زیبا کے والد انعام ربانی سے ہوئی تھی جس کا انجام طلاق کی صورت میں نکلا. اس کے بعد نشو بیگم نے تسلیم فاضلی سے شادی کی اور ان کے انتقال کے بعد جمال پاشا سے تیسری شادی کی اور کچھ سال پہلے ان کا بھی انتقال ہوگیا.