اللہ مجھے جنت میں رکھ لیں ۔۔ 5 سال کی بچی نے قران پاک حفظ کرکے سب کو مولیوں کو بھی حیران کردیا، اس کام میں کتنا وقت لگا؟

جنت حاصل کرنے کا جنون بچپن سے ہی بچی کے دل میں بٹھایا گیا تھا۔ بھارت کے شہر حیدر آباد میں 5 سال کی چھوٹی سی بچی نے قران کریم حفظ کرلیا، بچی کے والد اور والدہ دونوں حافظ قرآن ہیں۔ میڈیا رپورٹس کے مطابق ریاست تلنگانہ کے دارالحکومت حیدر آباد میں واقع مدرسہ جامعتہ المؤمنات کی سیدہ سحرش مبین نے صرف 5 برس 7 ماہ کی عمر میں ہی قرآن پاک کو حفظ کرنے کا اعزاز حاصل کر لیا ہے۔

حیران کن بات یہ ہے کہ سحرش مبین نے صرف 1 سال کے دوران اللہ کی آخری کتاب کو اپنے سینے میں محفوظ کرنے کا بڑا اہم کارنامہ انجام دیا۔ خوش نصیب بچی کی قارعہ نے بتایا کہ حافظہ سحرش مبین نے 3 سال 5 ماہ کی اتنی چھوٹی عمر میں سورہ یاسین کو حفظ کیا تھا، ساڑھے 4 سال میں اس نے قرآن پاک حفظ کرنے کا آغاز کیا۔ اور اب سیدہ سحرش نے 5 سال کی عمر میں عظیم کتاب کو حفظ کرنے کی سعادت حاصل کی۔ معلمہ نے یہ بھی بتایا کہ بچی روزانہ 12 گھنٹے قرآن کی تلاوت کرواتی تھیں۔

مدرسے کے ناظم اعلیٰ ڈاکٹر حافظ محمد صابر پاشا کے مطابق جامعتہ المؤمنات کی تاریخ میں یہ پہلی بچی ہے جس نے اتنی کم عمری میں حفظ قرآن کی سعادت حاصل کی ہے جبکہ مدرسے سے اب تک ہزاروں طالبات حافظہ بن کر نکل چکی ہیں۔ اپنے بچوں کو دین کی طرف راغب کریں تاکہ وہ آنے والی زندگی میں کامیاب ہوسکیں۔