رک جائیں! تربوز موت کی وجہ بھی بن سکتا ہے۔۔ جانیں ماہرین کیا بتاتے ہیں؟

Tarbooz Khane Ka Sahi Waqt Kya Hai

تربوز عام طور پر ایک محفوظ اور صحت بخش پھل ہے، لیکن اگر یہ آلودہ ہو جائے تو فوڈ پوائزننگ کا سبب بن سکتا ہے۔ ماہرینِ صحت کے مطابق اس میں موجود زیادہ پانی اور قدرتی چینی بیکٹیریا کی افزائش کے لیے سازگار ماحول فراہم کرتے ہیں، خاص طور پر جب صفائی کا خیال نہ رکھا جائے یا پھل پہلے سے آلودہ ہو۔

مزید یہ کہ بعض رپورٹس میں یہ دعویٰ کیا جاتا ہے کہ تربوز کی مٹھاس بڑھانے کے لیے اس میں انجیکشن کے ذریعے چینی یا گلوکوز ملایا جاتا ہے، جو اگر آلودہ ہو تو بیکٹیریا کی افزائش کو مزید تیز کر سکتا ہے۔ ایسے حالات میں اسہال، الٹی، اور پیٹ درد جیسی علامات ظاہر ہو سکتی ہیں، جبکہ شدید کیسز میں پانی کی کمی، سیپسس اور دیگر خطرناک پیچیدگیاں بھی پیدا ہو سکتی ہیں۔

خصوصاً بچوں اور کمزور مدافعتی نظام والے افراد میں یہ صورتحال زیادہ خطرناک ہو سکتی ہے، اور بروقت علاج نہ ملنے پر جان لیوا بھی ثابت ہو سکتی ہے۔ اس لیے تربوز خریدتے اور استعمال کرتے وقت صفائی، تازگی اور محفوظ ذرائع کا خاص خیال رکھنا ضروری ہے۔

ماہرین صحت کے مطابق رات گئے پھلوں یا بھاری کھانوں سے پرہیز کرنا چاہیے، خاص طور پر رات 8 بجے کے بعد، کیونکہ نیند کے دوران ہاضمہ سست ہو جاتا ہے۔ ماہرین مشورہ دیتے ہیں کہ تربوز کھانے کا سب سے بہترین وقت صبح کا ہے مگر اسے دن میں بھی کھایا جا سکتا ہے۔