چمکدار نرم و ملائم ہاتھ خوبصورتی کی پہچان ہیں ۔۔ ناخن کے گِرد موجود سیاہ جِلد کو ہلکا کرنے کے لئے گھریلو نسخہ آزمائیں خوبصورت ہاتھ پائیں

اکثر مرد و خواتین روزانہ کی بنیاد پر گھر سے باہر نکلتے ہیں اور سورج کی تپتی شعاعوں کا سامنا کرتے ہیں جس کی وجہ سے چہرے کے ساتھ ساتھ ہاتھ بھی سیاہ ہو جاتے ہیں اور اس سے سب سے زیادہ ناخنوں کے گرد موجود جلد متاثر ہوتی ہے اور انگلیوں کے جوڑ سیاہ ہو جاتے ہیں۔
آج ہم آپ کو بتائیں گے کہ لیموں، ٹماٹر اور ایلوویرا جیسے گھریلو اجزاء کا استعمال کر کے آپ اپنی انگلیوں کی سیاہ جلد کی رنگت ہلکی کر سکتے ہیں، تاکہ آپ کو مہنگے مہنگے مینیکیور نا کروانے پڑیں۔

انگلیوں کے گرد موجود سیاہ جلد کے لئے بہترین نسخے

• دودھ سے اسکرب

دودھ میں دلیہ، شہد اور لیموں کا رس ملا کر اس آمیزے سے انگلیوں کے گرد موجود سیاہ جلد اور پورے ہاتھ کا مساج کریں اس کے استعمال سے جلد کی رنگت ہلکی ہوگی۔

• لیموں سے اسکرب

ایک لیموں لیں اور سلائس میں کاٹ لیں، اب دن میں 4 سے 6 مرتبہ جب وقت ملے تو اس لیموں کو انگلیوں پر رگڑ لیں اس سے جلد کی رنگت ہلکی ہوگی اور انگلیوں کے گرد موجود سیاہ جلد دور ہو جائے گی۔

• لیموں اور چینی

لیموں جلد کی رنگت کو ہلکا کرتا ہے جبکہ چینی جلد کو نرم و ملائم بناتی ہے، لیموں پر پسی ہوئی چینی ڈال کر اس سے اسکرب کریں کم سے کم 15 سے 20 منٹ یہ اسکرب کریں اور ہفتے میں 2 سے 3 مرتبہ اس عمل کو دہرائیں انگلیوں کی جلد صاف ہو جائے گی۔

• آلو کا رس

آلو ایک بہترین بلیچنگ ایجنٹ ہے اس کے استعمال سے جلد کی سیاہ رنگت دور ہو جاتی ہے اور یہ داغ دھبوں کا بھی ختم کرنے کے لئے بہترین ہے، ایک چھوٹے سائز کے آلو کو چھیل کر اسے کدوکش کر لیں اب اسے نچوڑ کر اس کا رس نکال لیں، اب ایک روئی کے ٹکڑے کو آلو کے رس میں بھگوئیں اور انگلیوں پر جہاں جہاں سیاہ جلد موجود ہو اسے لگائیں، اب اسے 15 سے 20 منٹ کے لئے چھوڑ دیں اور پھر دھو لیں کم سے کم ہفتے میں 2 مرتبہ یہ عمل دہرائیں اور جب تک متوقع نتائج نہ ملیں یہ عمل جاری رکھیں۔

• ٹماٹر

ٹماٹر کو جلد کی سیاہ رنگت دور کرنے کے لئے اور دھوپ سے جھلسی ہوئی جلد کی اصل رنگت بحال کرنے کے لئے بہترین ایجنٹ مانا جاتا ہے رات کو سونے سے پہلے ٹماٹر کا ایک ٹکڑا لیں اور اسے انگلیوں اور چاہیں تو پورے ہاتھوں پر اچھی طرح مل لیں اور پھر صبح اُٹھ کر ہاتھ دھو لیں کچھ دن یہ عمل دہرائیں سیاہ رنگت ہلکی ہو جائے گی۔

By Sadia    |    In Health and Fitness   |    0 Comments    |    583 Views    |    12 Oct 2021

Comments/Ask Question

Read Blog about چمکدار نرم و ملائم ہاتھ خوبصورتی کی پہچان ہیں ۔۔ ناخن کے گِرد موجود سیاہ جِلد کو ہلکا کرنے کے لئے گھریلو نسخہ آزمائیں خوبصورت ہاتھ پائیں and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (چمکدار نرم و ملائم ہاتھ خوبصورتی کی پہچان ہیں ۔۔ ناخن کے گِرد موجود سیاہ جِلد کو ہلکا کرنے کے لئے گھریلو نسخہ آزمائیں خوبصورت ہاتھ پائیں) and how to utilize other natural ingredients to cure diseases, easy recipes, and other information related to food from KFoods.