بیٹے کی موت کا غم باپ کو مجبور بنا دیتا ہے۔۔ طارق جمیل مرحوم بیٹے کی خالی کرسی دیکھ کر رو پڑے

کہتے ہیں باپ کے کندھوں پر بیٹے کے جنازے سے بڑا دکھ کوئی اور نہیں. اسی لیے والدین ہمیشہ دعا کرتے ہیں کہ اولاد ان کو کاندھا دے نہ کہ انھیں اولاد کو کاندھا دینا پڑے. لیکن ہوتا وہی ہے جو قسمت کو منظور ہوتا ہے. اولاد کا غم تو محبوب خدا حضرت محمد مصطفی صلی اللہ علیہ واسلم کو بھی سہنا پڑا. حال ہی میں مشہور اسلامک اسکالر مولانا طارق جمیل نے اپنے جواں سال بیٹے کو کھو دیا ہے جس کے غم سے وہ نڈھال نظر آتے ہیں.

اس ویڈیو میں دیکھا جاسکتا ہے کہ کس طرح دنیا بھر میں شہرت یافتہ مولانا طاروق جمیل اپنے مرحوم بیٹے کے دکھ میں ٹوٹ چکے ہیں.

مولانا طارق جمیل اپنے مرحوم اور چہیتے بیٹے عاصم جمیل کی فیکٹری پہنچے، اس دوران اُن کے چہرے پر رنج اور درد واضح عیاں ہے۔ فیکٹری کے ریسیپشن اور بیٹے کے آفس کی سیٹ کو ہاتھ لگاتے مولانا کا کرب چہرے سے عیاں ہے جبکہ بیٹے کی کرسی پر بیٹھ کر وہ جذبات ضبط نہ کرسکے اور روپڑے.

اس دوران فیکٹری کے ملازمین مولانا صاحب کو تسلی اور حوصلہ دیتے رہے جبکہ مولانا اپنے چہرے پر آئے آنسوؤں کو صاف کرتے رہے.

واضح رہے کہ عاصم جمیل کا انتقال ان کے ہی ہاتھوں حادثاتی موت کے سبب ہوا ہے. وہ بچپن سے شدید ذہنی تناؤ کا شکار تھے۔