1 ہی جوان بیٹا تھا وہ بھی مرگیا۔۔ مفتی منیب الرحمٰن کے بیٹے کا انتقال کیسے ہوا تھا؟ مذہبی شخصیات جنہوں نے اپنے جوان بچوں کو کھویا

مفتی اعظم پاکستان کے نام سے پہچانے جانے والے مفتی منیب الرحمٰن کو پاکستان اور دنیا بھر میں ایک خاص شہرت حاصل ہے۔ ان کو سب جانتے اور پہچانتے ہیں۔ لیکن کبھی ان کی نجی زندگی کے بارے میں کوئی نہیں جانتا تھا۔

مفتی صاحب جب نادر علی پوڈکاسٹ میں آئے تو انہوں نے پہلی مرتبہ اپنے جوان سالہ بیٹے کی موت کے متعلق بتایا کہ کیسے ان کا 36 سال کا بیٹا ان کی آنکھوں کے سامنے ان سے دور ہوگیا۔

مفتی منیب الرحمٰن نے بتایا کہ، میرا ایک ہی بیٹا تھا۔ جوانی میں اس کو آنتوں کا کینسر ہوگیا تھا جب اس کی تشخیص ہوئی تو وہ تیسرے چوتھے اسٹیج پر تھا ہم نے آپریشن کروایا، 12 سیشن کیموتھراپی کے ہوئے۔ ایک مرتبہ وہ ٹھیک ہوگیا تھا۔ ایک ہی سال کے بعد اس کو دوبارہ کینسر ہوگیا اور 36 سال کی عمر میں اس کا انتقال ہوگیا۔ اس کے ٹیسٹ کیے، بائوپسی کے لیے سنگاپور گیا وہاں دوا تجویز ہوئی پھر امریکہ سے اجازت نامے کے بعد وہ دوائی ملی۔ ہم نے بہت کوشش کی، ڈاکٹروں نے بھی کوشش کی لیکن دوبارہ کینسر ہوگیا جو ناقابلِ علاج ہوگیا تھا۔ اور پھر 2014 میں اسکا انتقال ہوگیا، اب بیٹے کے 2 بچے ہیں ایک بیٹا میٹرک میں اور بیٹی چھٹی جماعت میں ہے۔

مفتی صاحب کے علاوہ حال ہی میں مولانا طارق جمیل صاحب نے بھی اپنے جوان بیٹے کو کھویا، اور اس خبر نے ہر ایک کو سوگوار کردیا تھا، ہر آنکھ پر نم تھی اور سب مولانا طارق جمیل کے غم میں ان کے ساتھ شریک تھے۔

مولانا طارق جمیل کے بیٹے عاصم جمیل کی موت حادثاتی طور پر گولی لگنے کی وجہ سے ہوئی تھی، جس کے بعد فیملی کی جانب سے یہ بیان سامنے آیا کہ عاصم دماغی طور پر ٹھیک نہیں تھا، جس کی وجہ سے یہ حادثہ رونما ہوا۔ اس غم کے موقع پر مولانا صاحب کا صبر دیکھنے لائق تھا، اللّٰہ ان کے بیٹے کی مغفرت فرمائے!