تبھی تو 4 شادیوں کا دل کرتا ہے اس کا۔۔ صارفین نے دانش تیمور کے ڈرامے من مست ملنگ کو بین کرنے کا مطالبہ کیوں کر دیا؟

Danish Taimoor Bold Scenes In Mann Mast Malang Spark Public Debate

جب سے جیو ٹی وی کا ڈرامہ 'من مست ملنگ' آن ایئر ہوا ہے، ابتدا میں ناظرین نے اسے کافی پسند کیا۔ مرکزی کرداروں، خاص طور پر سحر ہاشمی اور دانش تیمور کی جوڑی نے سوشل میڈیا پر خوب توجہ سمیٹی۔ لیکن جیسے جیسے اقساط آگے بڑھیں، ویسے ویسے یہ ڈرامہ دلچسپی کے بجائے تنازعے کا مرکز بنتا چلا گیا۔

دانش تیمور، جو اس بار ایک جنون میں ڈوبا عاشق "کبیر" بنے ہیں، اپنے کردار میں اتنے آگے نکل گئے ہیں کہ شائقین اب سوال اٹھا رہے ہیں کیا یہ صرف ایک اداکاری ہے یا کوئی ذاتی فینٹسی پوری کی جا رہی ہے؟ سوشل میڈیا پر تنقید کا طوفان ہے۔ کوئی کہتا ہے یہ کردار کی حد پار کر چکے ہیں، تو کوئی حیرت میں ڈوبا ہے کہ دانش تیمور سے ایسی فحاشی کی امید نہیں تھی۔

لوگوں کا کہنا ہے کہ ڈرامے میں رومانس دکھانے کا انداز اس قدر حد سے بڑھ چکا ہے کہ کچھ سینز کو ناظرین نے 'ففٹی شیڈز آف گرے' سے تشبیہ دے دی — جی ہاں، وہی ہالی ووڈ فلم جو اپنے متنازعہ مناظر کی وجہ سے دنیا بھر میں موضوعِ بحث بنی تھی۔

سوال یہ ہے کہ کیا پرائم ٹائم پر ایسے مناظر دکھانا مناسب ہے؟ جب بیڈ سینز اس حد تک بڑھ جائیں کہ گھر بیٹھے ناظرین شرمندہ ہونے لگیں، تو پھر کیا صرف "فن کی آزادی" کہہ کر سب کچھ جائز ٹھہرایا جا سکتا ہے؟

عائزہ خان کو سراہا جا رہا ہے کہ وہ اچھے پروجیکٹس کا انتخاب کرتی ہیں، لیکن دانش تیمور پر مسلسل یہ الزام لگ رہا ہے کہ وہ غیر سنجیدہ، بولڈ اور سطحی مواد کو ترجیح دے رہے ہیں۔

من مست ملنگ کا اصل مسئلہ یہ نہیں کہ اس میں عشق ہے، بلکہ یہ ہے کہ عشق دکھانے کے لیے کس حد تک جایا جا رہا ہے۔ ناظرین کا کہنا ہے کہ کہانی کی گہرائی کہیں گم ہو چکی ہے، اور اب صرف شاک ویلیو بیچنے کی کوشش کی جا رہی ہے۔

تو کیا واقعی یہ ڈرامہ تخلیقی حدود پھلانگ چکا ہے؟ یا یہ ناظرین کی حساسیت کا مسئلہ ہے؟ ایک بات طے ہےمن مست ملنگ اب صرف ڈرامہ نہیں رہا، بلکہ ایک معاشرتی بحث بن چکا ہے۔