مونگ کی دال سے چہرے کے غیر ضروری بالوں کا خاتمہ کس طرح کیا جا سکتا ہے؟ جانیئے آسان ترین نسخے

مونگ کی دال آسانی سے ہضم ہونے والی لوگوں کی پسندیدہ دالوں میں سے ایک ہے لیکن آپ کو یہ جان کر حیرت ہوگی کہ یہ سبز دال آپ کی جلد کی صحت کے لئے اور خوبصورتی میں اضافے کے لئے بھی کس قدر فائدے مند ہے۔
یہ کس طرح آپ کی جلد کے مختلف مسائل کو حل کر سکتی ہے اور اسے کس طرح خوبصورتی میں اضافے کے لئے استعمال کرنا ہے یہ کے فوڈز آپ کو بتائے گا تو آیئے پھر شروع کرتے ہیں تاکہ آپ بھی کر سکیں اس دال کا حیرت انگیز استعمال۔

مونگ کی دال سے خوبصورتی میں اضافہ

مونگ کی دال آپ کو گرمیوں کے موسم میں بےداغ اور نکھری جلد دے سکتی ہے یہ چہرے سے اضافی چکنائی کو دور کرتی ہے اور مردہ خلیات سے پاک کرتی ہے۔

چمکدار اور نرم جلد

مونگ کی دال آپ کے چہرے کی جلد سے مردہ خلیات کی تہہ کو دور کر سکتی ہے جس سے آپ کو چمکدار اور نرم و ملائم جلد حاصل ہو سکتی ہے یہ آپ کی جلد کو وٹامن اے اور وٹامن سی فراہم کر کے اس کی ساخت کو بہتر بنا سکتی ہے، اس کے لئے مونگ کی تھوڑی سی دال کو رات بھر کے لئے پانی میں بھگو دیں صبح اسے باریک پیس کر پیسٹ تیار کر لیں اب اس میں ایک چائے کا چمچ شہد اور ایک چائے کا چمچ بادام کا تیل شامل کریں اب اس پیسٹ کو 15 سے 20 منٹ کے لئے چہرے پر لگائیں اور پھر سادہ پانی سے دھو لیں۔

جلد کو ہائیڈریٹ کرے

مونگ کی دال وٹامن سے بھرپور ہوتی ہے اور اس میں انزائمز موجود ہوتے ہیں جو آپ کی جلد کو تروتازہ اور ہائیڈریٹ رکھتے ہیں یہ خشک جلد کے مسائل کا بھی خاتمہ کر سکتی ہے، اس مقصد کے لئے مونگ کی دو چمچ دال کر رات بھر دودھ میں بھگو کر رکھیں صبح اسے باریک پیس کر اس کا پیسٹ بنا کر 15 سے 20 منٹ کے لئے چہرے پر لگائیں اور پھر دیکھیں اس کا کمال۔

غیر ضروری بالوں کا خاتمہ کرے

مونگ کی دال حیرت انگیز طور پر جلد سے غیر ضروری بالوں کا خاتمہ کرتی ہے خاص طور پر اسے خواتین اپر لِپ اور تھوڑی کے بالوں کے خاتمے کے لئے استعمال کر سکتی ہیں، اس کے لئے مونگ کی دال کو رات بھر پانی میں بھگو کر صبح اسے پیس لیں پھر اس میں کینو کے چھلکوں کا پاؤڈر، صندل پاؤڈر اور تھوڑا سا دودھ شامل کریں اور 20 منٹ کے لئے لگا رہنے دیں پھر آہستہ آہستہ اسکرب کریں اور ٹھنڈے پانی سے چہرہ دھو لیں۔