معدے کا مسئلہ ہو یا گلا خراب ۔۔ مٹکے میں پانی پینے کے 5 حیرت انگیز فوائد جان کر آپ فریج کا ٹھنڈا پانی بھول جائیں گے

مٹی کے برتن اور مٹکا ہمارے گھرانوں میں ایک اہم چیز رہی ہے۔ پرانے زمانے میں مٹکا پانی پینے کے لیے سب سے زیادہ پسند کیا جاتا تھا۔ اپنے خاندان کے بزرگوں سے پوچھیں، اور وہ آپ کو بتائیں گے کہ انھوں نے اپنے باورچی خانے میں اس روایتی برتن کے لیے ایک خاص گوشہ کیسے رکھا تھا۔

اگرچہ کچھ لوگ اسے آج بھی استعمال کر رہے ہیں، جبکہ زیادہ تر اسے غیر ضروری اور قدرے پرانے زمانے کا سمجھتے ہیں۔ لیکن ٹھہریے، شاید آپ جانتے نہیں ہیں کہ مٹی کے برتن سے پانی پینے کے کچھ حیرت انگیز فوائد ہیں، جو آپ کو جاننے ضروری ہیں۔

کولنگ کی خصوصیات رکھتا ہے:

پانی کو ذخیرہ کرنے کے لیے مٹی کے برتنوں کے استعمال کی بنیادی وجہ یہ تھی کہ وہ قدرتی طور پر اسے ٹھنڈا کرنے میں مدد کرتے تھے جس کے نتیجے میں پانی پر قدرتی طور پر ٹھنڈک کا اثر پڑتا ہے، جو گرم دھوپ والے دنوں میں آپ کی پیاس بجھانے کے لیے بہترین ہے۔ ماہر غذائیت روپالی دتہ کے مطابق، مٹی کے برتن سے ٹھنڈا پانی پینا فریج کے ٹھنڈے پانی سے بہتر متبادل ہے، کیونکہ وہ صحت کے مسائل کا سبب بن سکتا ہے۔

گلے کے لیے اچھا ہے:

اگر آپ کو کھانسی یا زکام ہوتا ہے تو مٹکے کا پانی پینا آپ کے لیے کافی فائدہ مند ثابت ہوسکتا ہے۔ جب کہ ہم سب فریج سے پانی پینے کے عادی ہیں، اس سے آپ کی حالت مزید خراب ہوجاتی ہے۔ مٹی کے برتن کا پانی ایک مثالی درجہ حرارت برقرار رکھتا ہے جو گلے میں جلن نہیں کرتا۔ یہ اسے سکون بخشتا ہے اور مستقبل میں اس طرح کے انفیکشن کو روکنے میں مدد کرتا ہے۔

ہاضمے میں معاون:

چونکہ مٹی کے برتن کا پانی ایک مثالی درجہ حرارت رکھتا ہے، اس لیے یہ ہاضمے میں مدد کرتا ہے اور پیٹ کے مسائل جیسے اپھارہ اور قبض کو روکتا ہے۔ آیوروید کے مطابق برف کا ٹھنڈا پانی پینا ہمارے ہاضمے کے عمل کو سست کر سکتا ہے اور ہمارے معدے میں خون کی نالیوں کو تنگ کر دیتا ہے جس سے بہت زیادہ تکلیف ہوتی ہے۔ لہذا، اگر آپ اپنے نظام ہضم کو صحت مند رکھنا چاہتے ہیں، تو مٹکے کا پانی پیئیں۔

میٹابولزم کو بڑھاتا ہے:

آیوروید کے مطابق، ہمارے جسم کے درجہ حرارت کے قریب پانی پینا غذائی اجزاء کو بہتر طریقے سے جذب کرنے کی اجازت دیتا ہے، جس کے نتیجے میں آپ کا میٹابولزم بڑھتا ہے۔ اس کے حصول کے لیے مٹی کے برتن کا پانی بہترین ہے۔ دوسری طرف، اگر آپ کے پاس ٹھنڈا پانی ہے، تو آپ کے جسم کو غذائی اجزاء کو جذب کرنے کے لیے زیادہ محنت کرنی پڑتی ہے، جو آپ کے میٹابولزم کو سست کر سکتا ہے۔

کیمیکلز سے پاک:

مٹی کے برتنوں کو بنانے میں کوئی کیمیکل استعمال نہیں کیا جاتا، جو انہیں پینے اور پانی کو ذخیرہ کرنے کے لیے بہتر بنا سکے۔ انٹرنیشنل جرنل آف انجینئرنگ اپلائیڈ سائنسز اینڈ ٹیکنالوجی کی جانب سے کی گئی ایک تحقیق کے مطابق، مٹی کے برتنوں میں 30 دنوں تک ذخیرہ کیا گیا پانی پلاسٹک کی بوتلوں اور اسٹیل کے جگوں کے مقابلے میں پانی کے معیار کو بہتر طور پر برقرار رکھنے کے قابل ہے۔