سردی میں خشک آلو بخارے کھا کر بھوک کم کی جا سکتی ہے ۔۔ جانیئے ماہرین آلو بخارے سے وزن کم کرنے کا کیا طریقہ بتاتے ہیں؟

یونیورسٹی آف لیورپول کی طرف سے کی گئی ایک نئی تحقیق میں پتا چلا ہے کہ خشک آلو بخارے کا استعمال بھوک کو کنٹرول کرنے اور کیلوریز کی مجموعی مقدار کو کم کرنے میں مدد کر سکتا ہے۔
خشک میوہ جات ہمیشہ سے ہی ان کے صحت کے فوائد کی وسیع رینج کے لیے جانے جاتے ہیں، اگر بات کی جائے خشک آلو بخارے کی تو یہ ایک سپر فوڈ ہے جس میں غذائیت بھرپور ہے اور اسے متعدد طریقوں سے کھایا جا سکتا ہے، آپ اپنے روزمرہ کے کھانے میں مٹھی بھر آلو بخارے شامل کر سکتے ہیں۔

• آلو بخارے کے حیرت انگیز فوائد

یا بے وقت کی بھوک کو کم کرنے کے لیے اسے اسنیکس یعنی ناشتے کے طور پر کھا سکتے ہیں، خشک آلو بخارا فینول کا ایک بڑا ذریعہ ہے جو خلیوں میں آکسیجن کے نقصان کو روکنے میں مدد کرتے ہیں، اس میں وٹامن K، B-وٹامنز، غذائی معدنیات اور کئی دیگر ضروری غذائی اجزاء بھی موجود ہوتے ہیں۔

• تحقیق

یونیورسٹی آف لیورپول کی طرف سے کی گئی ایک نئی تحقیق کے مطابق سردی کے موسم میں آلو بخارا بھوک مٹا سکتا ہے اور اس سے وزن میں کمی آسکتی ہے، پروفیسر جیسن سی جی ہالفورڈ کے مطابق "یہ مطالعات یہ ظاہر کرتے ہیں کہ خشک میوہ جات آلو بخارا وزن کو کم کرنے کے لئے سرد موسم کے دوران خوراک میں شامل کیا جا سکتا ہے"۔
اس تحقیق میں دو گروپ تھے جس میں پہلے مرحلے میں، محققین نے پایا کہ جن لوگوں نے آلو بخارے کا استعمال کیا انہوں نے بعد کے کھانے میں کم کیلوریز استعمال کیں۔
دوسرا مرحلہ خاص طور پر وزن میں کمی پر مرکوز تھا، جس میں یہ معلوم ہوا کہ جن لوگوں نے خشک آلو بخارے کا استعمال کیا ان کا وزن کم دنوں میں زیادہ کم ہوا۔
یہ صرف یہی نہیں بلکہ وزن میں کمی کو فروغ دینے اور کیلوری کی مقدار کو کنٹرول کرنے کے علاوہ، خشک آلو بخارے بصارت کو بہتر بنانے، دل کی صحت کو برقرار رکھنے کے لئے بھی مفید ہے۔