گوشت کے فائدہ اس سبزی کے چھلکے میں.. جانیں 5 سبزیوں کے بارے میں جنھیں چھلکے سمیت پکا کر آپ بھی دگنے فائدے اٹھا سکتی ہیں

عام طور پر گھروں میں سبزیاں پکانے سے پہلے دھوئی جاتی ہیں پھر ان کا چھلکا اتارا جاتا ہے البتہ حالیہ تحقیق کے مطابق ہر بار سبزی پکانے کا یہ روایتی طریقہ درست نہیں۔

ماہرین غذائیت کا کہنا ہے کہ ایسی بہت سی سبزیاں ہوتی ہیں جنھیں چھلکے سمیت کھانا فائدہ مند ہوتا ہے۔ اس کی وجہ وہ یہ بتاتے ہیں کہ پھلوں اوت سبزیوں کے زیادہ تر فائدہ تو ان کے چھلکوں میں موجود ہوتے ہیں. ان میں کئی طرح کے معدنیات اور وٹامنز موجود ہوتے ہیں البتہ اگر چھلکے کڑوا پن رکھتے ہیں تو ان کے چھلکے اتار لینے میں کوئی حرج نہیں. اس کے علاوہ سبزیوں پر کیڑے مار اسپرے ہوتا ہے اس لئے انھیں اچھی طرح دھونا ضروری ہے۔ اس آرٹیکل میں ہم آپ کو بتائیں گے کہ وہ کون سی عام سبزیاں ہیں جنھیں چھیلے بغیر پکایا جانا چاہیئے۔

بینگن کے چھلکے میں ناسونین پایا جاتا ہے جو کہ دماغ کے خلیات کو آکسیڈیٹیو تناؤ سے نجات دینے والا طاقتور اینٹی آکسیڈینٹ ہے. اس لئے بینگن کو پکاتے ہوئے اس کا چھلکا نہ اتاریں.

آلو کے چھلکوں میں گوشت سے زیادہ پوٹاشیم پایا جاتا ہے جو دل کی صحت کے لئے مفید ہے۔ اس کے علاوہ اس میں فائبر، معدنیات اور کئی وٹامنز بھی موجود ہوتے ہیں.

توری کے چھلکوں میں فائبر کے ساتھ پوٹاشیم اور وٹامن سی کی بھاری مقدار پائی جاتی ہے۔

کھیرے کے چھلکوں میں خون جمنے اور ہڈیوں کی طاقت کو بڑھانے والے وٹامن کے کے علاوہ سلیکا بھی پایا جاتا ہے کو جس سے جلد، بال اور ناخنوں کو طاقت ملتی ہے۔

گاجر کے چھلکوں میں وٹامن بی 3 کے علاوہ فائٹو نیوٹرینٹس، فائبر اور بیٹا کیروٹین بھی پایا جاتا ہے جو ہاضمے کو بہتر کرنے کے علاوہ بینائی کو تیز کرتا ہے۔