کیا آپ کا بار بار میٹھا کھانے کا دِل کرتا ہے جس کی وجہ سے وزن تیزی سے بڑھ رہا ہے؟ تو اب پریشان نہ ہوں جانیں اس کو کنٹرول کرنے کے آسان طریقے

اگر آپ کسی قسم کے ذہنی دباؤ کا شکار ہیں تو میٹھا کھانے کی خواہش ہونا ایک عام سی بات ہے، اکثر لوگ میٹھے کے شوقین بھی ہوتے ہیں جس وجہ سے بار بار ان کا ذہن بھی اس طرف متوجہ ہوتا ہے اور وہ خود کو روک نہیں پاتے، لیکن اس قدر میٹھا کھانا آپ کے وزن بڑھانے کے ساتھ ساتھ متعدد بیماریوں میں بھی مبتلا کر سکتا ہے، اس لئے اس عادت سے جان چھڑانا انتہائی اہم ہے۔ لیکن آخر اس بُری عادت سے جیسے جان چھڑائی جائے اس کے چند آسان طریقے آج ہم آپ کو بتائیں گے، تو چلیں پھر بنا وقت ضائع کرے یہ طریقے جان لیں اور آپ بھی اپنی زندگی سے بےوقت میٹھا کھانے کی عادت کو کریں دور۔

میٹھا کھانے کی خواہش کو مات دینے کے طریقے

سب سے پہلے یہ جان لیں کہ جب کبھی بھی آپ کو میٹھے کی خواہش ہو تو سمجھ جائیں کہ آپ کے جسم سے ضروری غذائی اجزاء زائل ہو رہے ہیں اور ایسے میں آپ کو سر درد، متلی، ڈی ہائیڈریشن اور نیند میں خلل کا سامنا ہو سکتا ہے۔
اگر آپ کو اس قسم کی علامات ہوں اور دل چاہے کہ بس فوری کچھ میٹھا کھانے کو مل جائے تو آپ ذیل طریقوں سے اپنی اس خواہش کی عادت کو ختم کر سکتے ہیں۔

• اچار اور مربہ

میٹھے کھانے کی عادت کو ختم کرنے کے لئے اگر آپ اپنے کھانے میں گھر کے بنے ہوئے اچار یا تازہ پھلوں سے تیار شدہ مربہ کھائیں تو اس سے آپ کی یہ عادت ختم ہو سکتی ہے کیونکہ ان میں موجود کھٹاس آپ کی اس خواہش کو پورا کرے گی اور اس کھٹے ذائقے کے بعد آپ کا دل بھی نہیں چاہے گا کہ آپ کچھ بھی میٹھا کھائیں، البتہ اچار اور مربے کا استعمال نقصان دہ بھی نہیں اگر یہ گھر میں تیار شدہ ہوں۔

• مختلف دالوں کا استعمال

آپ دالوں کا کھانے میں تو کھاتے ہی ہوں گے، ساتھ ہی انہیں اگر میٹھے کی خواہش کے وقت کھا لیں تو آہستہ آہستہ آپ کی یہ عادت ختم ہو سکتی ہے، کبھی بھنی ہوئی دال تو کبھی سوپ جیسی دال بنا لیں اور دن میں جب کبھی بے وقت کچھ کھانے کا دل کرے تو یہ دال کھا لیں پروٹین بھی ملے گا اور میٹھے کی عادت بھی ختم ہو گی۔

• دلیوں کا استعمال

کم سے کم ہفتے میں تین مرتبہ اپنی غذا میں دلیہ شامل کریں، جو، باجرے، جوار وغیرہ کا دلیہ بنا کر استعمال کریں اور اس کو لازم بنا لیں کیونکہ یہ آپ کو صحت و توانائی بخشتا ہے اور آپ کی بے وقت کی بھوک کو مٹانے میں اہم کردار ادا کرتے ہیں اس لئے دلیہ کھائیں صحت بنائیں اور میٹھے سے جان چھڑائیں۔

By Sadia    |    In Health and Fitness   |    0 Comments    |    729 Views    |    21 Jun 2021

Comments/Ask Question

Read Blog about کیا آپ کا بار بار میٹھا کھانے کا دِل کرتا ہے جس کی وجہ سے وزن تیزی سے بڑھ رہا ہے؟ تو اب پریشان نہ ہوں جانیں اس کو کنٹرول کرنے کے آسان طریقے and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (کیا آپ کا بار بار میٹھا کھانے کا دِل کرتا ہے جس کی وجہ سے وزن تیزی سے بڑھ رہا ہے؟ تو اب پریشان نہ ہوں جانیں اس کو کنٹرول کرنے کے آسان طریقے ) and how to utilize other natural ingredients to cure diseases, easy recipes, and other information related to food from KFoods.