10 سال بعد پیدا ہوا بچہ اغوا کر کے صندوق میں چھپا دیا ۔۔ پکڑے جانے والی عورت نے کس کے ڈر سے یہ کام کیا؟

Khatoon Ne Bacha Chori Kyu Kiya

لاہور کے جنرل اسپتال سے اغوا ہونے والا نومولود معجزاتی طور پر تین دن بعد بازیاب ہوگیا، والدین کی خوشی کا کوئی ٹھکانہ نہ رہا۔

یہ وہی بچہ تھا جو والدین کو شادی کے دس برس بعد نصیب ہوا تھا، مگر خوشی کے چند ہی لمحے غم میں بدل گئے جب یکم ستمبر کو اسپتال کے نرسری وارڈ سے بچہ اچانک لاپتہ ہوگیا۔

سی سی ٹی وی فوٹیج نے پولیس کو کڑی سے کڑی ملانے کا موقع دیا، دو مشتبہ خواتین نظر آئیں، عملہ معطل ہوا اور تفتیش نے نئی کروٹ لی۔ بالآخر کھوج کماہاں گاؤں تک پہنچی جہاں پولیس نے گھر گھر چھان بین کی۔

وہاں ایک عورت کے صندوق سے زندگی کی وہ ننھی کرن برآمد ہوئی، جو اپنے والدین کی دنیا کو پھر سے روشن کر گئی۔ حیران کن طور پر اغوا کار خاتون بے اولاد تھی، اور طلاق کے خدشے نے اسے اس حد تک پہنچایا۔

پریس کانفرنس میں ایس پی انویسٹی گیشن ڈاکٹر ایاز حسین اور ایم ایس اسپتال نے تفصیلات بتائیں، جبکہ والدین نے آنکھوں میں خوشی کے آنسو لیے کہا کہ تین دن کی نیند، سکون اور سانسیں سب بچے کے ساتھ قید تھیں۔

اب شکر کے سجدے اور دعاؤں کی گونج ہے۔ ڈاکٹرز کے مطابق بچہ بالکل صحت مند ہے لیکن احتیاطاً مزید دو دن اسپتال میں نگرانی میں رکھا جائے گا۔

یہ کہانی ہے امید، دعا اور جدوجہد کی، جس نے ہر دل کو چھو لیا۔