خاتون ہونے والے داماد کے ساتھ فرار۔۔ بیٹی کی شادی سے پہلے ماں کی چونکا دینے والی حرکت نے سب کو حیران کر دیا

Khatoon Hone Walay Damad Ke Sath Bhag Gai

یقین کرنا مشکل ہے، لیکن بھارت کے شہر علی گڑھ میں پیش آنے والا یہ واقعہ حقیقت ہے — ایک ماں نے اپنی ہی بیٹی کے منگیتر کے ساتھ فرار ہو کر سب کو سکتے میں ڈال دیا۔

ماں بنی سوتن: دلہن کے خواب ٹوٹ گئے، محبت کا چہرہ بدل گیا!

علی گڑھ میں جہاں شادی کی تیاریاں عروج پر تھیں، مہندی کی خوشبو فضا میں بسی تھی، وہیں ایک ایسا طوفان آیا جس نے سب کچھ تہس نہس کر دیا۔ 16 اپریل کو شیوانی نامی لڑکی کی شادی ہونی تھی، لیکن عین وقت پر اس کی ماں انیتا ہی اس کے خواب چُرا کر لے اُڑی — اور وہ بھی کسی اور کے ساتھ نہیں، بلکہ خود شیوانی کے ہونے والے شوہر راہول کے ساتھ۔

پیار یا پلان؟

کچھ مہینوں سے انیتا اور راہول کے درمیان خفیہ رابطے جاری تھے، رات گئے فون کالز معمول بن چکی تھیں۔ گھر والوں کو یہی لگا کہ شاید یہ سب شادی کی تیاریوں سے متعلق ہے، لیکن درحقیقت کہانی کچھ اور ہی تھی۔

صرف دل نہیں، خزانہ بھی لے گئیں!

انیتا جاتے ہوئے خالی ہاتھ نہ گئی — ساتھ لے گئیں 3 لاکھ روپے نقد اور 5 لاکھ روپے کے زیورات جو بیٹی کی شادی کے لیے سنبھال کر رکھے گئے تھے۔ اب نہ داماد ہے، نہ زیور، نہ رقم۔۔ بس دل کے ٹکڑے رہ گئے ہیں۔

باپ کا درد: بچوں کی خاطر برداشت کرتا رہا!

شیوانی کے والد برسوں سے بیوی کے رویے سے تنگ تھے لیکن بچوں کے لیے خاموشی اختیار کیے رکھی۔ لیکن اب جب سب کچھ سامنے آ چکا ہے، وہ خود بھی صدمے میں ہیں۔ ان کا کہنا ہے کہ وہ جہاں چاہے رہے مگر چرائے گئی رقم اور زیور واپس کر دے۔

پولیس ایکشن میں: تلاش جاری!

پولیس نے انیتا اور راہول کے خلاف مقدمہ درج کر لیا ہے اور دونوں کی تلاش جاری ہے، لیکن تاحال کوئی کامیابی نہیں ملی۔

یہ انوکھا واقعہ صرف ایک خاندان کا المیہ نہیں، بلکہ پورے علاقے کی گفتگو کا موضوع بن چکا ہے۔ "ماں بیٹی کی دشمن بن گئی" جیسی سرخیاں سوشل میڈیا پر وائرل ہیں، اور لوگ سوال کر رہے ہیں کہ، کیا واقعی رشتے اب اس قدر بے معنی ہو چکے ہیں؟