کھانے کے فوراً بعد میٹھا کھانے سے کیا ہوتا ہے؟ صحت سے جڑے وہ راز، جو آپ کی طبعیت خراب ہونے سے بچا سکتے ہیں

اکثر لوگ کھانے کے فوراً بعد میٹھا کھانا پسند کرتے ہیں کیونکہ یہ نہ صرف ذائقے میں اضافہ کرتا ہے بلکہ دل کو سکون بھی بخشتا ہے۔

پاکستان اور ہندوستان میں یہ رواج کافی عام ہے۔ جیسے کہ کھانے کے بعد حلوہ، رس گلّے، جلیبی، میٹھائی یا پھر کھیر وغیرہ۔

لیکن کیا آپ جانتے ہیں جہاں کھانے کے بعد میٹھا کھانے کے فائدے ہیں وہیں اس کے نقصانات بھی ہیں۔ آئیے آپ کو بتاتے ہیں تا کہ آپ اپنی صحت کا بہتر طریقے سے خیال رکھ سکیں۔

نقصانات:

ذیابیطس کا خطرہ: کھانے کے بعد میٹھا کھانا خون میں شوگر کی سطح کو اچانک بڑھا سکتا ہے، جو ذیابیطس یا انسولین کے شکار لوگوں کے لیے نقصان دہ ہو سکتا ہے۔

وزن میں اضافہ: کھانے کے بعد اضافی کیلوریز کا استعمال وزن میں اضافے کا سبب بن سکتا ہے، خاص طور پر اگر آپ باقاعدگی سے میٹھا کھاتے ہیں۔

ہاضمے پر اثر: کچھ لوگوں کو کھانے کے بعد میٹھا کھانے سے ہاضمہ میں مشکلات پیش آ سکتی ہیں، جیسے کہ تیزابیت یا پیٹ کا بھاری پن۔

دل کی بیماری: زیادہ چربی اور شوگر کی مقدار دل کی بیماریوں کا خطرہ بھی بڑھا سکتی ہے۔

دانتوں کی خرابی: زیادہ میٹھا دانتوں کی خرابی، کیویٹی، اور دانتوں کی دیگر بیماریوں کا سبب بن سکتی ہے۔

فوائد:

توانائی کا ذریعہ: چینی اور دیگر میٹھے اجزاء جسم کو فوری توانائی فراہم کرتے ہیں۔ اگر کھانا کم کیلوریز پر مشتمل ہو تو میٹھا کھانا توانائی کا اچھا ذریعہ بن سکتا ہے، خاص طور پر اگر آپ تھکے ہوئے ہوں۔

خوشی اور اطمینان: میٹھا کھانے سے دماغ میں سیروٹونن نامی کیمیائی مادہ بڑھتا ہے، جو خوشی اور تسکین کا احساس فراہم کرتا ہے۔