ہری مرچ تروتازہ رکھنا چاہتے ہیں ۔۔ ان کو زیادہ دیر تک محفوظ رکھنے کے لیے شاندار ٹپس

ہری مرچیں جلد ہی سوکھ جاتی ہیں۔ مرچوں کی عمر بہت کم ہوتی ہے اور جلد ہی خراب ہو جاتی ہے۔ عام طور پر، ہری مرچیں بڑی مقدار میں خرید لی جاتی ہیں۔ ہمیں اکثران سب کو استعمال کرنے کا موقع اور وقت نہیں ملتا ہے۔ مرچیں خریدنے کے دو دن میں استعمال کر لیا جائے تو وہ صحیح ہوتی ہیں ورنہ وہ یا تو خشک ہو جائیں گی یا خراب ہو جائیں گی۔ مرچوں کو خشک ہونے سے بچانے کے لیے، ہم اکثر انہیں فریج میں رکھتے ہیں، لیکن وہ سبزیوں کی ٹرے کے ایک کونے میں سڑ جاتی ہیں۔ ہری مرچوں کو محفوظ رکھنا یقینی طور پر ایک مشکل کام ہے ۔ یہاں کچن کے کچھ ایسے طریقے بتاتے ہیں جو ان کی شیلف لائف کو بڑھانے میں مدد کر سکتے ہیں۔

1۔ زپ لاک طریقہ:

مرچوں کو اسٹور کرنے کا یہ طریقہ آپ کی مرچوں کی طویل شیلف لائف کو یقینی بنائے گا اور ایک پورے مہینے کے بعد بھی انہیں تازہ رکھ سکتا ہے۔ مرچوں کو دھو کر خشک کریں تاکہ یہ یقینی بنایا جا سکے کہ وہ نمی سے پاک ہیں۔ اس کے ڈنٹھل کو کاٹ کر مرچوں کو زپ لاک بیگ میں ڈال دیں۔ اس بات کو یقینی بنائیں کہ پاؤچوں کو مضبوطی سے سیل کرنے سے پہلے ان کے اندر ہوا بالکل بھی نہ ہو۔ زپ کے لاک کو مضبوطی سے سیل کرنے کے بعد، انہیں اپنے ریفریجریٹر کے بہترین کونے میں رکھیں۔ ضرورت کے مطابق کچھ مرچیں نکال لیں اور باقی کو اسی طرح واپس رکھ دیں۔ اگر آپ انہیں زیادہ دیر تک رکھنا چاہتے ہیں تو پاؤچز کو فریزر کے آئس باکس میں فریز کرد یں۔

2۔ کلنگ فلم کا طریقہ:

اگر زپ لاک دستیاب نہیں ہیں تو پریشان ہونے کی کوئی بات نہیں، کیونکہ یہاں سبز مرچوں کو محفوظ رکھنے کے لیے ایک اور موثر طریقہ موجود ہے۔ مرچوں کو دھو کرڈنٹھل ہٹا لیں۔ انہیں ہوا میں خشک ہونے دیں اورپیپر ٹاول سے اضافی نمی دور کریں۔ اس کے بعد ان میں سے کچھ کو ایک چھوٹی پلیٹ پر رکھیں اور پلیٹ کو کلنگ فلم سے لپیٹ دیں۔ اس بات کو یقینی بنائیں کہ ہوا کے اندر داخل ہونے کا کوئی راستہ نہیں ہے۔ پلیٹ کو مضبوطی سے لپیٹنے کے بعد، اسے فریزر میں رکھیں اس سے مرچیں کئی ہفتوں تک فریش رہیں گی۔

3۔ کب پتہ چلے کہ مرچیں خراب ہوگئی ہیں:

جب ہری مرچوں کا رنگ ہلکا ہونا شروع ہو جاتا ہے- یہ پہلا اشارہ ہے کہ ان کو نکالنے کا وقت آ گیا ہے۔ اس کے بعد، مرچیں اپنی سختی کھو دیں گی اور نرم ہونا شروع ہو جائیں گی۔ بعض اوقات مرچوں سے بھی بدبو آتی ہے۔ اس طرح کے حالات میں، سڑی ہوئی مرچوں کو جلد از جلد ضائع کر دینا بہترین اور محفوظ ہے۔

By Afshan    |    In Health and Fitness   |    0 Comments    |    758 Views    |    12 Aug 2022

Related Articles

Comments/Ask Question

Read Blog about ہری مرچ تروتازہ رکھنا چاہتے ہیں ۔۔ ان کو زیادہ دیر تک محفوظ رکھنے کے لیے شاندار ٹپس and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (ہری مرچ تروتازہ رکھنا چاہتے ہیں ۔۔ ان کو زیادہ دیر تک محفوظ رکھنے کے لیے شاندار ٹپس) and how to utilize other natural ingredients to cure diseases, easy recipes, and other information related to food from KFoods.