گبرُو جامن ! جاپان کے لوگوں نے جب گُلاب جامن کھائے تو اس کے کیا کیا نام رکھے اور اس کو جاپانی کیسے بناتے ہیں؟ دلچسپ ویڈیو

گُلاب جامن دیکھ کر ہر کسی کا دل للچا جاتا ہے اور چاہت ہوتی ہے کہ فوری بس کھا جائے۔ انڈیا ہو یا پاکستان ہر کسی کے پسندیدہ ہوتے ہیں اس مٹھائی کو کھانے کے لیے کبھی کوئی منع نہیں کرتا ہے جس کی وجہ اس کی مٹھاس، اس کا زبردست سا ذائقہ اور گاڑھا سا شیرہ ہے۔ گلاب جامن کا نام بھی اتنا میٹھا محسوس ہوتا ہے کیونکہ یہ گلاب کی مماثلت لگتا ہے۔ ہم لوگوں کو تو یہ بہت پسند ہے مگر جاپان میں جب لوگوں نے گلاب جامن کھایا تو ان کا کیا ردِعمل تھا؟

ایک پاکستانی نے جب جاپانیوں کو گُلاب جامن کھلائے توانہوں نے اس کے نئے نئے نام رکھ دیے، کسی نے ان کو گبرو جامن کہہ دیا تو کوئی گرجامون اور گلانو جانون کہنے لگا، کسی نے آلو جیسا میٹھا کہا تو کوئی شیرے بھرے گُلاب جامن کو کھا کر اس کی مٹھاس میں کھوگیا۔گُلاب جامن کو جاپان میں کیسے بنایا جاتا ہے؟

اجزاء:

پاؤڈر والا دودھ
کریم ملک
گھی
سوجی
میدہ
انڈے
بیکنگ سوڈا
کھویا
زعفران
چینی
پانی
میٹھی جیلی

ریسیپی:

پانی ، چینی اور جیلی ڈال کر شیرہ تیار کرلیں۔
میدے، آٹے، سوجی، کھوئے، دودھ، کریم ملک اور پانی کی مدد سے آٹا گوندھ کر گولیاں تیار کرلیں۔
اب ان گولیوں کو آئل میں فرائی کریں اور دس پندرہ منٹ بعد اُسے میٹھے شیرےمیں ڈال دیں لیجیے مزیدار گلاب جامن تیار ہیں۔