آنکھوں میں درد، خارش یا سوجن ہونا ۔۔ آنکھوں کے انفیکشن سے محفوظ رہنے کے وہ طریقے، جو اس تکلیف میں آنکھوں کو سکون دیں

آنکھوں کا انفیکشن ایک عام مسئلہ ہے جس کا تجربہ ہر انسان اپنی زندگی میں ایک نہ ایک بار تو ضرور کرتا ہے، لیکن اسکو معمولی ہرگز نہ سمجھیں کیونکہ بعض صورتوں میں یہ خطرناک بھی ثابت ہوسکتا ہے۔ اب جیسے کہ مون سون کا موسم چل رہا ہے اس میں ویسے ہی مختلف قسم کی بیماریاں پھیلی ہوتی ہیں جن میں آنکھوں کا انفیکشن بھی شامل ہے۔

سائنس کہتی ہے کہ بارشوں کا موسم وائرس اور بیکٹریا کے لیئے سب سے سازگار ماحول فراہم کرتا ہے کیونکہ اس میں یہ زیادہ تیزی سے پھلتے پھولتے ہیں جس کی وجہ سے آنکھوں کے انفیکشن کے کیسز بھی سامنے آتے ہیں۔

آئیے جانتے ہیں اس انفیکشن کی چند علامات اور احتیاطی تدابیر کیا ہیں۔

آنکھوں کے انفیکشن کی عام علامات:

آنکھوں کا لال ہونا

سوجن اور خارش

دھندلا پن

درد ہونا

آنکھوں سے پانی نکلنا

روشنی پڑنے سے آنکھوں میں تکلیف ہونا

آنکھوں کے انفیکشن سےکیسے محفوظ رہا جائے؟

احتیاطی تدابیر:

۔ آنکھوں میں انفیکشن کی صورت میں اپنی آنکھوں کو ہاتھ لگانے سے گریز کریں۔

۔ ہر 2 گھنٹے بعد ہاتھ دھوئیں یا سینیٹائز کریں۔

۔ ایسے شخص سے دوری اختیار کریں جو آنکھوں کے انفیکشن میں مبتلہ ہو جب تک کہ اس کی آنکھوں سے پانی نکلنا نہ ہوجائے۔

۔ آنکھوں کے انفیکشن میں مبتلا شخص کا استعمال شدہ تولیہ، کپڑا یا رومال استعمال نہ کریں اور نہ ہی اس کے بستر پر لیٹیں۔

۔ آنکھوں میں انفیکشن ہونے کی صورت میں خود سے کوئی دوا نہ لیں بلکہ ڈاکٹر سے مشورہ کریں پھر کوئی دوا آںکھ میں ڈالیں۔