اس کو کھانے سے سر درد ہو تو سمجھ جائیں نظر ٹھیک ہوگئی.. ڈاکٹر عیسیٰ نے کمزور بینائی کو تیز کرنے کا کون سا نسخہ بتادیا؟

کسی زمانے میں بڑے بوڑھوں کی نظر کمزور ہوتی تھی لیکن اب بچوں کے ہاتھ میں بھی موبائل ہے. جس سے کم عمری میں ہی نظر کی کمزوری کا سامنا کرنا پڑتا ہے. اس کے علاوہ طلب علم یا دن کا بڑا حصہ اسکرین کے سامنے بیٹھ کر کام کرنے والے افراد بھی سر درد اور چشمے کا نمبر بڑھنے کی شکایت کرتے ہیں. البتہ قدرت آج بھی انسانوں کو درپیش مسائل کو حل کرنے کی طاقت رکھتی ہے.

معروف ہربلسٹ ڈاکٹر عیسیٰ نے ایک مارننگ شو میں گفتگو کرتے ہوئے بتایا کہ ایک چھٹانک سونف کو ہاون دستے میں اچھی طرح کُوٹ لیں. البتہ یہ دھیان رکھیں کہ ہاون دستہ لکڑی کا یا پتھر کا ہونا چاہیے نا کہ لوہے یا اسٹیل کا. سونف کو کوٹنے کے بعد چھان لیں اور باریک سفوف کو نکال کر الگ کرلیں. اسی سفوف میں پسے ہوئے کابلی چنے کا ہم وزن سفوف بھی شامل کرلیں اور حسب ذائقہ پسی ہوئی مصری بھی ڈال لیں.

یہ پاؤڈر بچوں کو آدھا چمچ جبکہ بڑوں کو ایک چائے کا چمچ دودھ میں ڈال کر صبح شام پینا چاہیے. صرف ایک سے دو ماہ میں اس کا بہترین رزلٹ سامنے آئے گا. یہاں تک کہ کھانے والے کو سر میں درد محسوس ہوگا البتہ پریشانی کی بات نہیں کیونکہ اس کا مطلب ہے آنکھوں کی بینائی بہتر ہورہی ہے لہٰذا چشمے کا نمبر چیک کرائیں۔