دہی اور لسی دیہاتوں کی سب سے زیادہ مقبول غذا ہے اور اس کا درست استعمال نہ صرف کھانے یا پینے میں فرحت بخش ہے بلکہ اس میں جسمانی صحت کے بھی بےپناہ راز پنہا ہیں-
دی نیوز ٹرائب کی شائع کردہ ایک رپورٹ کے مطابق لسی پینے کے عادی افراد کو معدے کی بیماریاں لاحق نہیں ہوتیں اور شوگر کے مرض میں بھی یہ فائدہ دیتی ہے-
ایران میں کی گئی ایک تحقیق کے مطابق لسی ٹائپ ٹو ذیابیطس جیسے موذی مرض میں بہت فائدہ مند ثابت ہوتی ہے-
جرمن اطباﺀ لسی میں کالی مرچ اور نمک ملا کر پینے کو پیٹ کی مؤثر بیماریوں کا علاج بتاتے ہیں جو کہ آزمودہ ہے-
طبی ماہرین کے مطابق میٹھی اور برف والی لسی میں وہ فوائد نہیں جو لسی میں نمک اور کالی مرچ ملا کر پینے سے حاصل ہوتے ہیں-
دہی اور لسی کے استعمال سے چہرے پر شادابی اور خوبصورتی پیدا ہوتی ہے-
ترک باشندوں کے سرخی مائل چہروں کا راز بھی دہی اور لسی کا زیادہ استعمال بتایا جاتا ہے-
دہی کے فوائد اس قدر مسلمہ ہیں کہ اب یورپ اور امریکا میں بھی اس جانب لوگوں کا رجحان بڑھتا جارہا ہے٬ امریکا میں تو اب آئس کریم پارلرز کی طرز پر یوگرٹ پارلرز کھلنے لگے ہیں-
ماہرین مشورہ دیتے ہیں کہ ہر ہانڈی میں ایک چٹکی کلونجی اور تھوڑی سی دہی ڈال دی جائے تو اس کے بے پناہ فوائد حاصل ہوتے ہیں-