ایسے دوست کے بچھڑنے کا غم بہت ہے.. معین اختر نے انتقال سے پہلے بشریٰ انصاری سے کیا کہا تھا؟

"زندگی میں کچھ ایسے دوست بن جاتے ہیں جن کے بچھڑنے کا غم، سگے رشتوں سے بچھڑنے کے غم سے کم نہیں ہوتا. جب بھی ان کی یاد آتی ہے دل اداس ہوجاتا ہے. ایسے ہی ایک دوست معین اختر بھی تھے. آج ان کی برسی کے دن بے ساختہ ان کی یاد آئی اور ان کے ساتھ گزرا ہوا خوبصورت وقت، شرارتیں ڈانٹ ڈپٹ سب باتیں یاد آرہی ہیں"

یہ کہنا ہے لیجنڈ اداکارہ بشریٰ انصاری کا جنھوں نے اپنے حالیہ وی لوگ میں پاکستان کے مشہور مزاحیہ فنکار معین اختر کے بارے میں گفتگو کی.

بشریٰ کا کہنا تھا کہ انھوں نے اور معین اختر نے ریڈیو پاکستان اور پی ٹی وی کے علاوہ اسٹیج پر بھی کافی عرصے ساتھ کام کیا ہے اس کے علاوہ وہ دونوں پپٹ شو بھی کیا کرتے تھے۔

بشریٰ انصاری نے مزید بتایا کہ انتقال سے ایک مہینہ پہلے انھوں نے معین اختر کو 23 مارچ کے پروگرام میں معین کو دیکھا تو وہ کافی کمزور نظر آرہے تھے. مجھ سے رہا نہیں گیا اور میں نے خیریت پوچھنے کےئے فون کیا تو معین اختر نے مجھے ٹال کر کہا کہ پریشانی کی کوئی بات نہیں. اس کے ایک مہینے بعد ہی اپریل میں اس کے انتقال کی خبر آگئی۔

بشریٰ انصاری نے انکشاف کیا کہ ان کے مرحوم دوست معین اختردل کی بیماری کے علاوہ بھی کئی بیماریوں کا شکار تھے لیکن کبھی ذکر نہیں کرتے تھے. بلکہ آخری وقت تک وہ اپنے کام میں مگن رہے۔