کوائل والا یا صرف 100 میں پورا ہفتہ کھانا پکانے والا چولہا۔۔ جانیں ان سستے چولہوں کی قیمت اور استعمال کا طریقہ

سردیاں ابھی پوری طرح نہیں آئی ہیں لیکن سوئی گیس کی بندش جو پہلے سے ہی جاری تھی اب اس میں مزید اضافہ ہوچکا ہے. لوگ ایسے چولہوں کی تلاش میں ہیں جو بھلے بجلی سے چلیں لیکن گیس سے ان کی جان چھٹ جائے. آج ہم آپ کو لیے ایسے ہی دو چولہوں کے بارے میں بتانے جارہے ہیں جو بجلی سے چلتے ہیں لیکن قیمت میں کافی کم ہیں.

کوائل والا چولہا کم سے کم 3 مختلف سائز میں آتا ہے جس میں سب سے چھوٹا صرف چائے یا چھوٹی موٹی چیزوں کو گرم کرنے کے لئے استعمال کیا جاتا ہے جبکہ ایک اس سے بڑا سائز اور تیسرا سب سے بڑا سائز آتا ہے جس پر بڑی دیگچی بھی رکھی جاسکتی ہے۔

یہ چولہے بجلی سے چلتے ہیں۔ ان کا تار کسی پلگ میں لگا کر آن کریں اور باآسانی استعمال کریں۔ اس چولہے کی قیمت کم سے کم 800 روپے سے شروع ہوتی اور کوالٹی اور ساز کے حساب سے بڑھتی ہے البتہ یہ بجلی کے باقی چولہوں کے مقابلے میں کافی سستا ہے۔ بجلی کا یہ چولہا آج کل ہر پارڈوئیر کی دکان پر دستیاب ہے اس کے علاوہ یہ آن لائن بھی مل جاتا ہے۔

دوسری طرف بجلی سے چلنے والا ایک اور چولہا ہے جو ہفتے میں صرف ایک بار 100 روپے کا تیل ڈالنے سے چلتا ہے. بنانے والوں کا دعویٰ ہے کہ اس چولہے کی بناوٹ کا انداز افغانستان کے چولہوں سے ملتا جلتا ہے. ان میں 12 واٹ کا پنکھا نصب ہوتا ہے اور بقول دکاندار اس کا پریشر اتنا ہے کہ 5 دیگیں بھی پکائی جاسکتی ہیں. اس چولہے کی قیمت 2800 روپے ہے.