ایک مہینہ لگاتار انگور کھانے سے کیا ہوتا ہے؟ جانیئے کھٹے پھل کے وہ میٹھے فوائد جو دیتے ہیں حیرت انگیز نتائج

جیسے ہی گرمیوں کے موسم کو خیرباد کہنے لگیں تو یکایک ہر جگہ بازاروں میں ہرے، لال، پیلے انگور دِکھائی دینے لگتے ہیں جو دِکھنے میں کسی موتیوں جیسے اور فوائد میں کسی خزانے سے کم نہیں ہوتے۔
انگور ایک ایسا پھل ہے جو ہر عمر کے لوگوں کو پسند ہوتا ہے اسے کھانا بھی آسان ہے اور چھیلنے کی جھنجھٹ بھی نہیں ہوتی اس لئے باآسانی کسی بھی وقت کہیں بھی اس کا استعمال کیا جا سکتا ہے، لیکن انگور میں قدرت نے صحت کے کون سے خزانے چھپا رکھے ہیں آیئے آپ کو اس کے فوائد سے آگاہ کرتے ہیں۔

• انگور کے حیرت انگیز فوائد

انگور کی کئی اقسام ہوتی ہیں جن میں سبز، سُرخ، نیلے، سیاہ اور جامنی رنگ شامل ہے، انگور سے خُشک میوہ جات بھی بنائے جاتے ہیں جیسے کشمش اور منقہ وغیرہ اس کو نا صرف سادہ بلکہ کئی قسم کے میٹھے پکوان میں بھی استعمال کیا جاتا ہے۔ اگر ایک مہینہ لگاتار انگور کھائے جائیں تو اس سے آپ کو کیا حیرت انگیز فوائد حاصل ہوتے ہیں آئیے جانتے ہیں۔

• نظامِ ہاضمہ کے لئے مفید

انگور کا سب سے بڑا ایک فائدہ تو یہ ہے کہ انگور نظامِ ہاضمہ کو بہتر بناتا ہے خاص طور پر لال انگور، لال انگور کے استعمال سے پرانے سے پرانا قبض دور کیا جا سکتا ہے اس کے استعمال سے پیٹ کے مختلف مسائل دور کئے جا سکتے ہیں انگور میں پائے جانے والے ریشے آنتوں کو صحت مند بناتے ہیں۔

• توانائی میں اضافے کے لئے بہترین

انگور غذائیت سے بھرپور ہوتے ہیں انگور میں قُدرتی طور پر کاربو ہائیڈریٹ اور ایک خاص سیلولوز پایا جاتا ہے جو قُدرتی طور پر توانائی کو بڑھاتا ہے، اِس کا طریقہ یہ ہے کہ روزانہ ایک مُٹھی انگور کھالیں اس عمل سے آپ پُورا دِن چُست اور توانا رہیں گے یہ آپ کی قوتِ مدافعت میں اضافہ کریں اور آپ کا میٹابولزم تیز کریں گے۔

• گردوں کی صحت کے لئے مفید

انگور جسمانی اعضاء کی صحت کو بہتر بنانے کے لئے بھی مفید ہے انگور میں طاقتور اینٹی آکسیڈینٹ ہوتے ہیں جو انگور کو سُرخ سے جامنی رنگ دیتے ہیں، یہ دونوں اُن ریڈیکلز سے لڑنے میں اہم کردار ادا کرتے ہیں جو گُردوں کی بیماری اور انفیکشن کا سبب بنتے ہیں جبکہ یہی اینٹی آکسیڈنٹس جسم سے یورک ایسڈ کو خارج کرنے میں بھی اہم کردار ادا کرتے ہیں۔

• کینسر سے بچاؤ کے لئے مفید

انگور میں موجود طاقتور اینٹی آکسیڈینٹ سے کینسر سے بچا جاسکتا ہے، اِس میں اینٹی کینسر خصوصیات موجود ہوتی ہیں جو چھاتی کے کینسر سمیت کئی دوسرے کینسر سے محفوط رکھنے کے لئے مفید ہیں۔

• سانس لینے میں آسانی

ایک جدید تحقیق میں یہ بات سامنے آئی ہے کہ جو لوگ بچپن سے ہی گِری دار میوے اور پھلوں میں انگور کا استعمال جاری رکھتے ہیں بڑے ہونے پر ان میں دمے اور سانس کی کسی اور بیماری میں مبتلا ہونے کے خدشات کم ہو جاتے ہیں۔

• پٹھوں کا مضبوط بنائے

جارجیا یونیورسٹی کے ایک مطالعے میں یہ بات بتائی گئی ہے کہ انگور کھانے سے پٹھے مضبوط ہوتے ہیں، اور یہ جسم کو طاقت فراہم کرنے کا بھی بہترین زریعہ ہیں، اس لئے روزانہ کی بنیاد پر ایک مٹھی انگور کھائیں اور صحت میں حیرت انگیز اضافہ پائیں۔

By Sadia    |    In Health and Fitness   |    0 Comments    |    867 Views    |    18 Oct 2021

Comments/Ask Question

Read Blog about ایک مہینہ لگاتار انگور کھانے سے کیا ہوتا ہے؟ جانیئے کھٹے پھل کے وہ میٹھے فوائد جو دیتے ہیں حیرت انگیز نتائج and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (ایک مہینہ لگاتار انگور کھانے سے کیا ہوتا ہے؟ جانیئے کھٹے پھل کے وہ میٹھے فوائد جو دیتے ہیں حیرت انگیز نتائج) and how to utilize other natural ingredients to cure diseases, easy recipes, and other information related to food from KFoods.