ایک سین میں سفید دوپٹہ پے اور دوسرے میں۔۔ کبھی میں کبھی تم ڈرامے میں کون سی 3 بڑی غلطیاں ہیں؟ صارفین نے فوراً پہچان لیا

پاکستانی ڈراما "کبھی میں کبھی تم" نے اپنی دلچسپ کہانی اور شاندار اداکاری کے ساتھ خوب مقبولیت حاصل کی، مگر چند کنٹینیوٹی کی خامیوں نے سوشل میڈیا پر ہلچل مچادی۔ دو بھائیوں کی ازدواجی زندگی کے گرد گھومتے اس ڈرامے نے ناظرین کو جذبات کی جادوگری میں مبتلا کر رکھا ہے، لیکن یہ چھوٹی چھوٹی غلطیاں بھی آنکھوں سے چھپ نہیں سکیں۔

1. شگفتہ کا جادوئی دوپٹہ

ڈرامے کی ساتویں قسط میں بشریٰ انصاری کی شاندار اداکاری نے سب کو متاثر کیا، مگر ان کے کردار "شگفتہ" کے دوپٹے کا رنگ اچانک بدل جانا ناظرین کے لیے معمہ بن گیا۔ عدیل کی واپسی پر انہیں کالے دوپٹے میں دکھایا گیا، لیکن جب وہ اپنے شوہر کے پیچھے کمرے کی طرف دوڑیں تو دوپٹہ سفید ہوگیا۔ سوشل میڈیا پر اسے جادوئی دوپٹہ قرار دے کر میمز کا طوفان آگیا۔

2. شرجینا کی گمشدہ چین

قسط 21 میں شرجینا اور مصطفیٰ کراچی کی رات کی سڑکوں پر بائیک پر گھوم رہے تھے، اور شرجینا نے باریک سی چین پہن رکھی تھی۔ لیکن جب وہ ایک ہوٹل میں بیٹھے تو وہ چین اچانک غائب ہوچکی تھی۔ کچھ ناظرین نے مذاق میں کہا کہ کراچی کی سڑکوں کے حالات دیکھتے ہوئے چین کا غائب ہونا حیرت کی بات نہیں، مگر کنٹینیوٹی کی یہ غلطی ہر کسی کی نظر میں آگئی۔

3. رباب کے زلفوں کا جادو

قسط 31 میں رباب کا ہیئر اسٹائل ایک اور تنازعہ بن گیا۔ پہلے انہیں کمرے میں کرلز کے ساتھ پن کیے ہوئے زلفوں میں دکھایا گیا، لیکن جب وہ اپنی ساس پر تنقید کے لیے نمودار ہوئیں تو ان کے بال اچانک کندھوں تک پہنچ گئے۔ پھر جب انہیں عدیل کے ساتھ آفس جاتے دکھایا گیا تو ان کی زلفیں دوبارہ لمبی اور سلکی ہوگئیں۔ ناظرین حیرت زدہ رہ گئے کہ آیا رباب نے وگ پہنی تھی یا کوئی نیا ہیئر اسٹائل بنایا تھا۔