حجاب پہننا اور پردہ کرنا ہمارا حق ہے ۔۔۔ انڈیا میں مسلمان باحجاب لڑکی نے ایک ساتھ 16 گولڈ میڈل جیت کر نئی مثال قائم کر دی

مارچ 2022 میں سول انجینئرنگ میں گریجویشن کرنے والی بشریٰ متین نے لگاتار 16 گولڈ میڈل جیت کر تمام ریکارڈ توڑ ڈالے۔ بشریٰ کا تعلق کرناٹک کے رائچور ضلع انڈیا سے ہے، 10 مارچ 2022 کو اپنے حجاب میں اسٹیج پر گئی اور حکومتی اعلٰی عہدیداروں کے ہاتھوں میڈلز وصول کیے۔

وی ٹی یو (وشی شواریا ٹیکنیکل یونیورسٹی) کی 21 سالہ تاریخ میں یہ پہلا موقع ہے جب کسی نے تمام ایوارڈ جیت کر یہ ریکارڈ بنایا ہے۔ بشریٰ نے رائچور کے ایس ایل این انجینئرنگ کالج سے گریجویشن کیا ہے۔ بشرٰی نے مختلف کٹیگریز میں 16 گولڈ میڈل جیتے۔

بشرٰی کا کہنا تھا کہ اس کا تعلیمی ریکارڈ ہمیشہ سے ہی شاندار رہا ہے اور اسکول کالج یونیورسٹی میں بھی اس نے 93٪ مارکس کے ساتھ امتیازی نمبروں سے پاس کیا ۔ مطالعے کے لئے 4 سے 5 گھنٹے روزانہ پڑھتی ہیں اور کوئی ٹاپک غیر اہم سمجھ کر چھوڑتی نہیں ہیں۔ اسی لئے امتحان میں کبھی کچھ مشکل نہیں لگا۔ بشرٰ ی کے والد بھی سول انجینئیر ہیں، انہی کو دیکھ کر بشرٰی میں یہ شوق ہوا کہ اس میدان کا انتخاب کیا جائے۔ ان کے بھائی بھی انجینئیر ہیں اور بہن ابھی کمپیوٹر سائنس میں انجینئیرنگ کر رہی ہے۔

بشریٰ کا کہنا تھا کہ میں تمام طلباء سے کہنا چاہتی ہوں کہ اپنے آپ کو کوئی حد متعین نہ کریں تعلیم کے لیے عمر کی کوئی حد نہیں ہے۔ ان لڑکیوں کے لیے جنہیں بیچ میں چھوڑنا پڑا ہو، میں یہ کہنا چاہتی ہوں کہ اپنی تعلیم جاری رکھیں اور ڈگری مکمل کریں۔ ہر لڑکی کو گریجویٹ ہونا چاہیے تاکہ وہ مالی طور پر خود مختار ہو سکے۔ میں یہ بھی کہنا چاہتی ہوں کہ دوسروں کی رائے، ان کا رویہ اپنے آپ پر کسی بھی طرح سے اثر انداز نہ ہونے دیں، صرف اپنے مقصد پر مرکوز رہیں اور اسے حاصل کریں۔ استقامت ہی کامیابی کی کنجی ہے۔

بشریٰ کا کہنا تھا کہ میں نے گریجویشن تقریب کے لیے اپنا حجاب پہنا ہے۔ ہمارا ایک جمہوری سیکولر ملک ہے اور حجاب پہننا ہمارا بنیادی حق ہے جس کی ضمانت ہندوستان کے آئین نے دی ہے جہاں ہم سب کو اپنے مذہب پر عمل کرنے کی اجازت ہے۔ مجھے یقین ہے کہ ہمیں سپریم کورٹ سے انصاف ملے گا، ان شاء اللہ ۔

By Hamariweb  |   In News  |   0 Comments   |   586 Views   |   01 Sep 2022
Related Articles
Top Trending
Comments/Ask Question

Read Blog about حجاب پہننا اور پردہ کرنا ہمارا حق ہے ۔۔۔ انڈیا میں مسلمان باحجاب لڑکی نے ایک ساتھ 16 گولڈ میڈل جیت کر نئی مثال قائم کر دی and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (حجاب پہننا اور پردہ کرنا ہمارا حق ہے ۔۔۔ انڈیا میں مسلمان باحجاب لڑکی نے ایک ساتھ 16 گولڈ میڈل جیت کر نئی مثال قائم کر دی) and how to utilize other natural ingredients to cure diseases, easy recipes, and other information related to food from KFoods.