Gajar Ki Mithai Recipe in Urdu

اجزاء:
آپ لوگوں نے گاجر کا حلوہ اور گجریلا تو یقیناً کھایا ہوگا، جو کہ سردی کی سوغات سمجھے جاتے ہیں۔ لیکن کیا آپ نے کبھی گاجر کی مٹھائی کھائی ہے؟ اگر نہیں تو آج ہم آپ کو سکھائیں گے ایسی زبردست گاجر کی مٹھائی بنانے کی ترکیب جو آپ نے پہلے کبھی ٹرائے نہیں کی ہوگی۔

گاجر کی مٹھائی بنانے کا طریقہ اور ترکیب:

۔ 4 سے 5 گاجروں کو کاٹ لیں

۔ اب ان کٹی ہوئی گاجروں میں پانی ٖڈال کر آدھا آدھا کر کے جوسر بلینڈر میں پیس لیں

۔ بلینڈ کرنے کے بعد ایک پیالے میں چھلنی رکھ کر گاجر کا جوس اور گودا الگ کردیں

۔ الگ کئے ہوئے جوس میں ½ کپ کارن فلور ڈال کر اچھی طرح مکس کریں تا کہ کوئی گٹھلی نہ بنے اور ساتھ ہی ایک سے دو قطرے لال فوڈ کلر کے شامل کردیں، اس سے رنگ اچھا آئے گا

۔ اب ایک پین میں ایک سے دیڑھ کپ چینی اور 3 سے 4 چمچ پانی ڈال کر تیز آنچ پر پکائے تا کہ وہ پگھل جائے

۔ جب چینی مکمل طور پر گھل جائے تو اس میں کارن فلور والا گاجر کا جوس شامل کریں، اور مستقل طور پر چمچ چلاتے رہیں تا کہ کارن فلور نیچے بیٹھے نہیں

۔ 2 سے 3 منٹ میں یہ سخت ہونا شروع ہوجائے گا، تب بھی آپ چمچ چلاتے رہیں

۔ اسکے بعد اس میں 2 چمچ گھی ڈال کر اسکی پکائی کریں، تھوڑی ہی دیر میں یہ جیلی نما ہوجائے گا

۔ پھر اس میں ڈرائی فروٹ ڈال کر مزید پکائیں، اور چولہا بند کردیں

۔ ایک بڑی پلیٹ یا پھر چوڑے منہ والا پیالا لے کر اس میں ہلکا سا گھی لگائیں اور اسے اس میں ڈال کر ایک گھنٹے کیلیئے چھوڑ دیں

۔ جب یہ ٹھنڈا ہوجائے تو اسے چوکور ٹکڑوں میں کاٹ کر پلیٹ کو الٹا کر کے گاجر کی مٹھائی کو دوسری پلیٹ میں نکال لیں، اوپر سے خشک میوجات ڈال کر پیش کریں۔

مزیدار گاجر کی مٹھائی تیار ہے!