Basi Roti Ka Pizza Recipe in Urdu

اجزاء:
اکثر گھروں میں روٹی رات کے وقت بنتی ہے جب گھر میں تمام لوگ موجود ہوں کیونکہ صبح کے وقت مرد حضرات گھر میں نہیں ہوتے تو اکثر خواتین روٹی نہیں بناتی ہیں بلکہ رات کی روٹی ہی استعمال کرلیتی ہیں لیکن بعض اوقات ایک سے زیادہ بچ جاتی ہے یا رات مہمان آئیں اور ان کی وجہ سے زیادہ روٹی بنائی گئی ہو تو وہ مزید بچ جاتی ہیں۔ ان بچی ہوئی روٹیوں کو ماسیوں کو دینے سے زیادہ بہتر ہے کہ آپ ان کو بھی زبردست سی ڈش بنا کر استعمال کرلیں۔ یہاں ہماری اس بات کا مطلب ہر گز یہ نہیں کہ آپ ضرورتمندوں کو کچھ بھی نہ دیں بلکہ اس بات کا مطلب یہ ہے کہ آپ تازہ روٹی دیں تاکہ وہ بھی کھانا پرسکون طریقے سے کھاسکیں۔

آٹے کی قیمت میں جب سے اضافہ ہوا ہے ایسے حالات میں بچی ہوئی روٹی کو پھینکتے ہوئے بھی دل دکھتا ہے تو اپنا دل مت دکھائیں، اب جانیں بچی ہوئی روٹی سے پیزا بنانے کی وہ ترکیب جو آسان بھی ہے اور آپ کے پیسے بھی خوب بچائے گی۔ اس کو کھا کر بچے اور بڑے سب ہی اپ کی تعریف ایک مرتبہ تو ضرور کریں گے۔

اجزاء:
٭ رات کی روٹی،
٭ ایک دھاگہ،
٭ ایک گلاس،
٭ 4 کپ آئل،
٭ موزریلا چیز پگھلی ہوئی،
٭ ٹماٹر کیوبز میں کٹے ہوئے،
٭ ایک سے دو ہری مرچ کٹی ہوئی،
٭ پیاز ایک عدد کٹی ہوئی،
٭ ہرا دھنیا تھوڑا سا،
٭ ٹماٹو کیچپ 6 سے 9 چمچ،
٭ آلو ابلے ہوئے ایک سے دو کچلے ہوئے،
٭ آدھا چمچ کٹی لال مرچ،
٭ 2 چمچ مرچ پاؤڈر،

٭ بچی ہوئی روٹی کو گلاس کے پیندے کی جانب رکھیں اور اس کو گولائی میں پکڑ کر اس پر دھاگہ باندھ لیں کچھ اس طرح جیسے کہ ہم نے آپ کو تصویر میں دکھایا ہے۔ روٹی وک گلا سکے چاروں طرف لپیٹ کر اس کو باند لیں۔
٭ اب پین میں آئل گرم کریں اور اس میں یہ گلاس سمیت اچھی طرح فرائی کرلیں۔
٭ فرائی ہو جائے تو 5 منٹ کیلئے رکھ دیں تاکہ اس کا آئل نکل جائے۔
٭ اب اس روٹی کو دھاگہ بندھے ہوئے گلاس سے نکالنے کی کوشش کریں۔ لیکن دھاگہ نہ کھلے۔
٭ جب آپ روٹی کو نکالیں گے تو یہ ایک کٹوری کی صورت میں سامنے آئے گی۔
٭ اس میں کیچپ، چیز، آلو کچلا کیے ہوئے، ہری مرچ، ٹماٹر، پیاز، لال مرچ پاؤڈر اور اوپر سے تھوری سی چیز مزید ڈال کر کھانے کے لئے سروو کردیں۔

ہے نا رات کی روٹی کی ایسی بہترین ریسیپی جو ایک مرتبہ بچے کھالیں تو روزانہ فرمائش کریں۔