دو بار محبت کرچکا ہوں لیکن.. اسامہ خان اداکاری کے علاوہ اور کیا کام کرتے ہیں؟ نجی زندگی سے متعلق دلچسپ گفتگو

"میرا کبھی کوئی کرش نہیں رہا لیکن دو بار محبت ہوچکی ہے. آج کل کسی سے محبت نہیں ہے نا ہی کوئی رومانوی تعلق ہے"

یہ کہنا ہے خوبرو اداکار اسامہ خان کا جنھوں نے مذاق رات میں شرکت کے دوران اپنی نجی زندگی اور کیریئر کے کئی رازوں سے پردہ اٹھایا.

اسامہ خان کا کہنا تھا کہ سوشل میڈیا پر لوگ میری ذاتی زندگی اور خاندان کے بار میں سوالات کرنے لگتے ہیں جن میں زیادہ تر سوالات میری شادی کے بارے میں ہوتے ہیں. میں ابھی فوری شادی کے بارے میں نہیں سوچ رہا اور چاہتا ہوں کہ لوگ مجھ سے شادی کا سوال نہ کیا کریں.

محبت کے بارے میں اسامہ خان کا کہنا تھا کہ انھیں لگتا ہے اصل محبت ایک طرفہ محبت ہی ہوتی ہے اور اگر دونوں ایک دوسرے کو چاہیں پھر بھی ایک فریق زیادہ ہی چاہتا ہے.

اسامہ خان نے کہا کہ میں نہیں جانتا کہ تیسری بار محبت ہوگی یا نہیں لیکن اب تک وہ دوبار محبت کر چکا ہوں"

اسامہ خان نے انکشاف کیا کہ اداکاری سے پہلے وہ چارٹرڈ اکائونٹنٹ کی ملازمت کرتے تھے اور اب بھی وہ ایک فرم میں ملازمت کرتے ہیں. بنیادی طور پر اسامہ کا تعلق پنجاب کے شوہر گوجرانوالا سے ہے. وہاں ان کا اپنا اسکول بھی ہے جس کے اکائونٹس وہ خود دیکھتے ہیں.

اسامہ نے اپنے مزاج کے حوالے سے بتایا کہ لوگ اگرچہ مجھے بدتمیز سمجھتے ہیں لیکن میں ایسا نہیں ہوں. شرمیلا ہوں اور کم بولتا ہوں لیکن جب لوگ مجھ سے بات کرتے ہیں تو ان کی رائے تبدیل ہوجاتی ہے.