محبت ایسی کہ موت کے منہ میں جاتے لڑکے سے شادی کرلی ۔۔ دماغی کینسر میں مبتلا لڑکا شادی کے کتنے وقت بعد انتقال کر گیا؟

محبت میں لیلہٰ مجنوں تو ہر کوئی بنا پھرتا ہے لیکن جہاں بات مشکل میں ساتھ دینے یا نبھانے کی آتی ہے تو آدھی سے زیادہ لَو اسٹوریز تو وہیں دم توڑ جاتی ہیں، کیونکہ یہ ہر کسی کے بس کی بات نہیں اسکے لیئے سچی محبت، ہمت اور قربانی کے جذے کی ضرورت ہوتی ہے۔

آج کی کہانی بھی محبت کے ایک ایسے ہی سچے جذبے کی ہے۔

مائیا فالواسر نے اس وقت دنیا بھر میں سرخیاں بنائیں جب اس نے 22 سالہ نوار ہربرٹ کے ساتھ اپنی شادی کے دن کی ایک ویڈیو شیئر کی، جو اگلے ہی روز برین ٹیومر کی وجہ سے انتقال کرگیا۔

اپنی شادی کے دن، نوار بیدار ہوا اور اپنی ماں سے کہا، "آج کا دن میری موت کا دن ہے۔"

وینیسا ہربرٹ (ماں) نے اسکی بات کو ان سنا کرتے ہوئے کہا، "نہیں تم ابھی نہیں مرو گے، کیونکہ تمہارا بھائی گھر آرہا ہے اور شام 4 بجے تمہاری شادی ہو رہی ہے۔

اور بالکل ایسا ہی ہوا، نوار ہربرٹ نے پیر کو اپنی زندگی کی محبت سے شادی کی۔ دوستوں اور گھر والوں نے جوڑے کو نیک تمنائیں دی اور نوار کو بتایا کہ وہ اس سے کتنا پیار کرتے ہیں۔

نوار، جسے گزشتہ سال اکتوبر میں مہلک کینسر کی تشخیص ہوئی تھی، 30 گھنٹے بعد انتقال کر گیا۔ اور اپنے پیچھے اپنی بیوی اور بچی کو چھوڑ گیا۔

مائیا اب فنڈ ریزنگ کر رہی ہے تاکہ نوار کو نیوزی لینڈ کے ایک قصبے کوٹاہیٹنگا مارے میں سپرد خاک کیا جا سکے۔

مائیا کا کہنا تھا، آج میں نے اپنے بہترین دوست، شوہر اور اپنے بچے کے باپ کو کھو دیا۔

انہوں نے مزید کہا کہ یہ ایک مشکل وقت ہے، تاہم مجھے اپنی طاقت اور ہر ایک کی حمایت حاصل ہے۔ وہ ہمیشہ ہماری یادوں میں رہیں گے اور ہمارے دلوں میں ایک خاص مقام رکھتے ہیں۔