باہمت باپ نے اپنی معصوم بچی کو ظالموں سے بچا لیا ۔۔ مہدی علی کاظمی کی بیٹی کی سالگرہ منانے کی خوبصورت ویڈیو، سوشل میڈیا پر وائرل

مہدی علی کاظمی نے باہمت باپ ہونے کا بھرپور ثبوت دیا ہے ان کی جگہ اگر کوئی دوسرا باپ ہوتا تو شاید اپنی عزت اسی میں سمجھتا کہ بیٹی کو چھوڑ دیتا لیکن جو محنت اور محبت انہوں نے دکھائی وہ شاید پاکستان کی تاریخ میں رقم کر دیا جائے گا۔

بیٹیوں کا سب سے بڑا سہارا، سب سے بڑا سایہ ان کا باپ ہی ہوتا ہے۔ باپ کتنا بھی مجبور ہی کیوں نہ ہو جائے وہ بیٹی کے لیے اپنے قدم کبھی نہیں روکتا۔ ایک واقعہ پچھلے سال بہت وائرل ہوا جس میں بیٹی نے والدین سے ملنے کے لیے بھی انکار کر دیا تھا لیکن باپ نے بیٹی کو ظالموں کی قید سے نکال باہر کیا اور ایک ایسی ناقابلِ یقین جنگ لڑی کہ ہر بیٹی کے والد کے لیے مثال بن گئے۔

مہدی علی کاظمی اور ان کی بڑی بیٹی کی ایک ویڈیو سوشل میڈیا پر خوب وائرل ہو رہی ہے جس میں دیکھا جا سکتا ہے والد اپنی بیٹی اور ساری فیملی کے ہمراہ موجود ہیں اور ایک ساتھ سب خوش و خُرم بھی ہیں۔ ان کی اس ویڈیو پر سب ہی مہدی کاظمی کے لیے دعائیں کر رہے ہیں اور ان کی جدوجہد کو سرہا رہے ہیں کہ باپ ہو تو ایسا۔ ایک صارف نے لکھا کہ یہ باپ واقعی قابلِ تحسین ہے جس کو بیٹی نے ٹھکرایا، لیکن باپ نے پھر بھی اپنایا۔ اس باپ کو سلام ہے جو ظالموں کے منہ سے بیٹی کو بچا لا یا۔ اللہ ان کے گھر کی رحمت کو خوش رکھے اور گھر میں محفوظ بھی۔