ہم جب بھی بالوں میں کنگھی کرتے ہیں تو ہمارے بال ٹوٹتے ہیں چند بالوں کا گِرنا تو عام ہے مگر ضرورت سے زیادہ اگر بال جھڑیں تو یہ کوئی مزاق بات نہیں بلکہ اس پر فکر کرنے اور توجہ دینے کی ضرورت ہے۔
ایک شخص کے سر پر قریب 10000 بال ہوتے ہیں جن میں سے روزانہ 100 سے 125 بال روزانہ جھڑتے ہیں کیونکہ ان بالوں کی عمر زیادہ سے زیادہ 8 سال ہوتی ہے اور اس کے بعد یہ جھڑک جاتے ہیں تو ان کی جگہ نئے بال اگتے ہیں۔
لیکن اگر آپ کے بال روزانہ 125 سے کئی زیادہ تعداد میں جھڑ رہے ہیں تو اس کا مطلب ہے کہ آپ کسی بیماری، ذہنی دباؤ یا پھر کسی بالوں کی بیماری میں مبتلا ہو گئے ہیں، ایسے میں آپ کو کیا کرنا چاہئے یہ آج ہم آپ کو بتائیں گے تاکہ آپ بھی بنا ہزاروں روپے خرچ کیے با آسانی بالوں کو جھڑنے سے روک سکیں۔
• بالوں کو جھڑنے سے کیسے روکیں
بالوں کے گِرنے کی ایک سب سے بڑی اور اہم وجہ ہوتی ہے ذہنی دباؤ اگر آپ کے زہن میں مسلسل کچھ چل رہا ہے جو آپ کو پریشان کر رہا ہے اور آپ مستقل سوچ رہے ہیں تو یہی ذہنی دباؤ آپ کے بالوں کی نشونما کرنے والے ہارمونز کو خراب کرتا ہے اور یوں آپ کے بال گِرنے لگتے ہیں اس کئے ضروری ہے کہ سب سے پہلے اپنی زندگی سے ذہنی دباؤ کو ختم کریں۔
اس کے علاوہ زیتون، بادام اور سرسوں یا پھر ناریل کے تیل سے بالوں کا مساج کریں اس سے بھی بال جھڑنا کم ہوں گے، نیز یہ کہ اگر آپ آئرن کی کمی کا شکار ہیں تو اس وجہ سے بھی آپ کے بال گر سکتے ہیں اس کے لئے ایسی غذاؤں کا استعمال کریں جن میں آئرن اور پروٹین بھرپور مقدار میں موجود ہوں۔
احتیاط کریں
• کوشش کریں کہ روزانہ کی بنیاد پر شیمپو نہ کریں۔
جتنا ہو سکے کم سے کم بالوں میں کیمیکل والی اشیاء لگائیں۔
ان پراڈکٹس کا استعمال نہ کریں جن میں وافر مقدار میں ہیوی کیمیکل استعمال کیا گیا ہو۔
روزانہ ورزش کریں کیونکہ ورزش بھی آپ کے ذہنی دباؤ کو کم کرتی ہے۔
اور سب سے زیادہ ضروری ہے کہ روزانہ مکمل 8 گھنٹوں کی نیند لیں آپ کی مجموعی صحت کے لئے یہ بے حد ضروری ہے۔