باپ نے 2 بچوں سمیت بے رحم سمندر میں چھلانگ لگا دی! 40 سالہ اورنگزیب کن مشکلات میں تھا؟ افسوسناک واقعہ

Man Jumps Into Sea Along With Two Children At Do Darya Karachi

کراچی کے ساحل "دو دریا" پر پیش آیا ایک دل دہلا دینے والا واقعہ، جہاں ایک باپ نے اپنے بچوں کے ساتھ سمندر کی بے رحم لہروں میں چھلانگ لگا دی۔

چشم دید گواہوں کے مطابق، 40 سالہ اورنگزیب عالم نے اپنے ننھے بیٹے احمد اور معصوم بیٹی آیت کے ہمراہ پانی میں اتر کر زندگی کو الوداع کہہ دیا۔

ریسکیو ٹیموں کی بروقت کارروائی کے باوجود دونوں معصوم بچوں کی لاشیں سمندر سے نکال لی گئیں، مگر والد کی تلاش اب بھی جاری ہے۔

تفصیلات کے مطابق اورنگزیب عالم، جو ایک اسکول ٹیچر تھے، کراچی کے علاقے اورنگی ٹاؤن کے گبول گوٹھ میں مقیم تھے۔ بتایا گیا ہے کہ اورنگزیب کی بیٹی کی عمر 4 سال اور بیٹے کی عمر 8 سال تھی۔

متوفی کے بھائی، صغیر عالم، کا کہنا ہے کہ یہ سانحہ گھریلو ناچاقیوں کے نتیجے میں پیش آیا۔ اورنگزیب بچوں کی حوالگی کے لیے عدالت سے رجوع کر چکے تھے، تاہم صرف ایک روز قبل بچوں کی کسٹڈی ان کی والدہ کے سپرد کر دی گئی تھی – جس کے بعد شاید وہ حوصلہ ہار بیٹھے۔

اس واقعے نے پورے شہر کو غم میں مبتلا کر دیا ہے، اور ایک بار پھر ذہنی دباؤ، خاندانی تنازعات اور بچوں کی تحویل کے حساس مسئلے پر سنجیدہ سوالات کھڑے کر دیے ہیں۔

کیا ہم واقعی اتنے بے حس ہو چکے ہیں کہ رشتے ٹوٹنے کے بعد انسان بھی بکھر جاتے ہیں؟