ککڑی کھایئے صحت پایئے ۔۔ جانیئے ککڑی کھانے کے صحت سے متعلق چند حیران کُن فوائد

ککڑی ایک ایسی سبزی ہے جس کا ذائقہ پھیکا جبکہ مزاج ٹھنڈا ہوتا ہے جگر کے مسائل سے لے کر کمر درد تک ککڑی کے بےشمار فوائد ہیں جن کے بارے میں شاید بہت کم لوگ ہی جانتے ہیں۔
ماہرین کے مطابق روزانہ کم سے کم آدھا پاؤ ککڑی کھانا صحت کے لئے بہترین ہے اور اگر اسے دوپہر کے وقت کھایا جائے تو افادیت میں مزید اضافہ ہوجاتا ہے، حضرت عبد اللہ بن جعفر رضی اللہ عنہ سے روایت ہے کہ حضوراکرمؐ پکی ہوئی کھجوریں اور ککڑی ایک ساتھ تناول فرماتے تھے آیئے اس کے فوائد پر نظر ڈالتے ہیں۔

• ککڑی کے حیرت انگیز فوائد

• خون کی روانی اور گرمی کو کم کرے

ککڑی کا ایک سب سے بڑا فائدہ یہ ہے کہ اس کو کھانے سے خون کی روانی بہتر ہونے کے ساتھ ساتھ خون کی گرمی بھی کم ہوتی ہے اور ہائی بلڈ پریشر کم ہوتا ہے، یہ خون سے فاضل مادوں کا اخراج بھی ممکن بناتی ہے۔

• جگر کے لئے مفید

کیونکہ ککڑی کا مزاج ٹھنڈا ہوتا ہے اس لئے ککڑی کھانے سے جگر کی گرمی دور ہوتی ہے اور جگر کو تسکین ملتی ہے جگر کے مسائل میں آرام آتا ہے۔

• گردے کے مسائل دور کرے

ککڑی کے بیج بےحد فائدے مند ہوتے ہیں ککڑی کے بیجوں کو پیشاب آور ہونے کی وجہ سے سوزاک، گردہ اور مثانہ کی پتھری دور کرنے کے لئے استعمال کرنا مفید ہوتا ہے۔

• چہرے کی رنگت نکھارنے کے لئے

ککڑی کھانے میں صحت کے ساتھ ساتھ چہرے کی جلد کے لئے بھی بہترین ہوتی ہے اگر اس کے بیجوں کو رگڑ رگڑ کر چہرے پر ملا جائے تو اس سے چہرے کی رنگت میں نکھار آتا ہے۔

• گرمی اور سوزش دور کرے

ککڑی کے استعمال کا سب سے بڑا مقصد زیادہ تر یہی ہوتا ہے کہ یہ جسم سے گرمی کا خاتمہ کرتی ہے موسم کی گرمی کے مضر اثرات کو دور کرتی ہے اس کے استعمال سے جسم کے اندرونی اعضاء کی سوزش دور ہوتی ہے، ککڑی کو کھانے کے لئے بہتر ہے کہ اس پر نمک اور کالی مرچ لگا کر کھایا جائے۔

• بخار دور کرنے کے لئے مفید

ککڑی کیونکہ سرد مزاج ہوتی ہے اس لئے ککڑی بخار کا خاتمہ بھی کرتی ہے اگر بخار میں ککڑی کھائی جائے تو بخار کم کرنے میں مدد کرتی ہے، تاہم ککڑی کھا کر پانی نہیں پینا چاہئے ورنہ ہیضہ ہونے کا خدشہ ہو جاتا ہے۔

By Sadia    |    In Health and Fitness   |    0 Comments    |    1965 Views    |    29 Oct 2021

Related Articles

Comments/Ask Question

Read Blog about ککڑی کھایئے صحت پایئے ۔۔ جانیئے ککڑی کھانے کے صحت سے متعلق چند حیران کُن فوائد and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (ککڑی کھایئے صحت پایئے ۔۔ جانیئے ککڑی کھانے کے صحت سے متعلق چند حیران کُن فوائد ) and how to utilize other natural ingredients to cure diseases, easy recipes, and other information related to food from KFoods.