انضمام الحق کے بیٹے کا ولیمہ۔۔ دلہن نے کتنے لاکھ کا جوڑا پہنا؟ دیکھیں تصویریں

پاکستان کرکٹ کے معروف سابق کپتان انضمام الحق کے بیٹے ابتسام الحق نے رشتۂ ازدواج میں بندھ کر نئی زندگی کا آغاز کر لیا ہے۔ ابتسام کی شادی کی تقریبات کی تصاویر اور ویڈیوز سوشل میڈیا پر وائرل ہو چکی ہیں، جس میں ان کے نکاح، شادی کی مرکزی تقریب اور ولیمے کی رونقیں دیکھنے کو مل رہی ہیں۔

یہ خوبصورت لمحے "دی آرٹسٹ فوٹوگرافی" کے انسٹاگرام پیج پر شیئر کیے گئے، جہاں تصاویر میں ابتسام اور ان کی دلہن کے شاندار ملبوسات بھی نمایاں ہیں۔ شادی کے دن دلہن نے مرون رنگ کا عروسی لباس پہنا، جبکہ ابتسام الحق نے سنہری شیروانی میں خود کو سجا رکھا تھا۔

ولیمے کی تقریب میں بھی جوڑا اپنے لباس میں لاجواب نظر آیا، جہاں دلہن نے مشہور ڈیزائنر ایچ ایس وائی کا سنہری رنگ کا لباس “ غزل“ زیب تن کیا۔ اس عالیشان جوڑے کی قیمت 20 لاکھ روپے ہے۔ جبکہ ابتسام نے سرمئی رنگ کا شاندار تھری پیس سوٹ پہنا۔

انضمام الحق کے خاندان میں خوشیوں کی لہر دوڑ گئی، کیونکہ 23 جنوری کو ابتسام کا نکاح ایک خصوصی لمحہ تھا۔ ان کی شادی کی تصویریں وائرل ہوئیں اور سوشل میڈیا پر کرکٹ کے شائقین اور فالوورز کی جانب سے جوڑے کو محبت بھری دعاؤں کا سامنا ہوا۔