مسوڑے میں سوجن اور درد نے رُلا کے رکھ دیا۔۔ جانیں ہلدی، لیموں کیسے اس تکلیف کو دور کرسکتے؟ چند آزمودہ ٹپس جو فوری اثر دکھائیں

How To Cure Tooth Ache With Lemon

خوبصورت مسکراہٹ نہ صرف شخصیت نکھارتی ہے بلکہ صحت کی بھی آئینہ دار ہوتی ہے۔ مگر بدقسمتی سے اکثر لوگ دانتوں کی صفائی اور نگہداشت میں لاپرواہی برتتے ہیں، جس کے نتیجے میں دانتوں میں درد، مسوڑوں سے خون آنا اور پس جیسی تکالیف عام ہو جاتی ہیں۔

مشہور ہربلسٹ ڈاکٹر بلقیس نے ایسے گھریلو نسخے بتائے ہیں جو نہ صرف دانتوں کو مضبوط بناتے ہیں بلکہ منہ کے جراثیم کو بھی ختم کرتے ہیں۔

ڈاکٹر بلقیس کے مطابق، دن میں کم از کم دو بار دانت صاف کرنا اور روزانہ نمک والے نیم گرم پانی سے غرارہ کرنا انتہائی مفید ہے۔ نمک قدرتی جراثیم کش ہے جو دانتوں اور مسوڑوں کو صحت مند رکھتا ہے۔

اگر دانتوں پر میل جم جائے یا منہ سے بدبو آئے تو ایک چمچ سرسوں کے تیل میں تھوڑی سی ہلدی، چٹکی بھر نمک اور چند قطرے لیموں کا رس (لیکن اگر مسوڑوں میں پس ہو تو لیموں نہ ڈالیں) شامل کر کے یہ مرکب دانتوں پر لگائیں۔ یہ ٹوٹکا ٹارٹر ختم کرنے، انفیکشن کم کرنے اور سانس کو تازہ رکھنے میں بےحد مؤثر ہے۔

دانتوں کے درد سے فوری نجات کے لیے ادرک کا ایک ٹکڑا کاٹ کر اس کا اندرونی حصہ ہلدی میں ڈبوئیں اور متاثرہ دانت پر ملیں — درد لمحوں میں غائب ہو جائے گا۔

اسی طرح مہندی کی پتیوں کو پانی میں ابال کر اس سے کلیاں کریں۔ ان میں موجود اینٹی بیکٹیریل اور اینٹی وائرل خصوصیات منہ کے انفیکشن کو ختم کر دیتی ہیں۔

جبکہ پودینے کا قہوہ پینا نہ صرف تازگی بخشتا ہے بلکہ سانسوں کی ناگوار بو کو بھی ختم کرتا ہے۔

یوں ڈاکٹر بلقیس کے یہ آزمودہ ٹوٹکے دانتوں کے عام مسائل سے محفوظ رہنے کا قدرتی، آسان اور مؤثر حل فراہم کرتے ہیں۔