اگر آپ کے بالوں میں بھی پسینے کی بُو آتی ہے تو جانیئے پودینے کا ہیئر ماسک بنانے کا طریقہ جو منٹوں میں پسینے کی بُو غائب کرے اور بالوں کو بنائے لچکدار

خوبصورت، لمبے گھنے اور چمکدار بال ہر کسی کو پسند ہوتے ہیں، مگر گرمی کے موسم میں سر کی جلد پر زیادہ پسینہ آنے کی وجہ سے بال کمزور ہو جاتے ہیں اور گرنے لگتے ہیں۔ جن کے بارے میں ہیئر ایکسپرٹ کہتے ہیں کہ:

'' پسینہ آنا ایک صحت مند اور اچھی علامت ہے، پسینہ آنے سے جسم کے فاضل مادے نکل جاتے ہیں مگر یہ بالوں کی جڑوں کے لیے مفید نہیں ہے، پسینہ جسم کی نمکیات پر مشتمل ہوتا ہے جو کہ ہمارے بالوں کی جڑوں کو نقصان پہنچاتا ہے ، سر کی جلد ، بالوں کی جڑوں میں زیادہ پسینہ آنے کا مطلب بالوں کی جڑوں میں اضافی نمکیات کا جمع ہو جانا ہے جس کو صحیح وقت پر بالوں سے باہر نہ نکالا جائے تو یہ بالوں کی خوبصورتی کو ختم کرنے کی وجہ بنتا ہے۔''

ایسے میں کے-فوڈ آپ کی بڑی مدد کرنے جا رہا ہے اور بتا رہا ہے آپ کو ایک ایسی ٹپ جس میں شامل اجزاء بھی آپ کے کچن میں ہر وقت موجود ہوتے ہیں اور اس کا استعمال بھی آپ کو مہنگے فائدے دے گا تو دیر نہ کریں، اس گرمی یہ ٹپ روزانہ استعمال کریں اور بالوں کی خوبصورتی کو مزید بڑھائیں۔

ٹپ:

٭ چار سے پانچ پودینے کے پتوں کو اچھی طرح باریک پیس لیں۔
٭ ایک ٹماٹر کو اچھی طرح کچل لیں کہ اس کا گودا بن جائے۔
٭ پسا ہوا پودینہ، ٹماٹر کا گودا اور دو چمچ دودھ اچھ طرح مکس کریں۔
٭ اس میں ایک انڈے کی زردی شامل کرلیں۔
٭ اس پیسٹ کو بالوں میں
نہانے سے قبل 15 منٹ کے لئے لازمی لگائیں۔
پھر سادے پانی سے بالوں کو دھو لیں۔
٭ اس ٹپ کو روزانہ یا ہفتے میں دو مرتبہ استعمال کریں، بالوں میں اضافی پسینے اور بدبو کی شکایت جلدی ہی ختم ہو جائے گی۔

فائدہ کیوں؟

پودینے میں کیلشیئم، وٹامن اے، سی، ڈی، ای، مینتھول اور ٹماٹر میں بیٹا کیروٹین پائے جاتے ہیں جو کہ انڈے کے ساتھ استعمال کرنے سے نہ صرف بالوں میں چمک اور خوبصورتی کو بڑھانے کا کام کرتے ہیں بلکہ ساتھ ہی یہ پسینے سے پید اہونے والی نمی اور تر جلد کو کنٹرول کرتے ہیں۔

By Humaira    |    In Tips and Totkay   |    0 Comments    |    420 Views    |    08 Apr 2021

Comments/Ask Question

Read Blog about اگر آپ کے بالوں میں بھی پسینے کی بُو آتی ہے تو جانیئے پودینے کا ہیئر ماسک بنانے کا طریقہ جو منٹوں میں پسینے کی بُو غائب کرے اور بالوں کو بنائے لچکدار and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (اگر آپ کے بالوں میں بھی پسینے کی بُو آتی ہے تو جانیئے پودینے کا ہیئر ماسک بنانے کا طریقہ جو منٹوں میں پسینے کی بُو غائب کرے اور بالوں کو بنائے لچکدار) and how to utilize other natural ingredients to cure diseases, easy recipes, and other information related to food from KFoods.