گردے میں پتھری کی وجہ سے درد ہوتا ہے تو۔۔ پتھری کیوں بنتی ہے؟ جانیں اس سے نجات میں مددگار غذائیں

کچھ لوگوں کو گردے میں پتھری کی شکایت ہوتی ہے جس کی وجہ سے انھیں بہت درد کا سامنا رہتا ہے۔ اس آرٹیکل میں ہم آپ کو کچھ ایسے جوس اور غذاؤں کے بارے میں بتائیں گے جن سے اس اذیت ناک مرض کا شکار لوگوں کو فائدہ ہوسکتا ہے۔

گردے میں پتھری کیوں بنتی ہے اور اسے کیسے روکیں؟

گردے میں پتھری بننے کی وجہ معدنیات اور نمکیات کا ایک ساتھ جمع ہونا ہے۔ مرہم ٹی وی کے مطابق گردے میں پتھری بننے کے عمل کو اپنی خوراک اور لائف اسٹائل میں تبدیلی لا کر روکنا ممکن ہے۔

گردے میں پتھری سے نجات کے لئے چند غذائیں

لیموں کا رس گردے کی پتھری کو جسم سے پیشاب کی صورت باہر نکالنے میں مددگار ہے۔ جرنل آف یورولوجی میں شائع کی گئی تحقیق کے مطابق 2 لیٹر پانی میں 4 اونس لیموں پلانے سے گردے میں پتھری بننے کا عمل کم کیا جاسکتا ہے اس کے علاوہ انار کا رس بھی اس مرض میں فائدہ مند ہے۔ انار کا رس کیلشیم آکسیلیٹ کو کم کرتا ہے جس سے پتھری بنتی ہے اس کے علاوہ اس میں اینٹی آکسیڈینٹس بھی پائے جاتے ہیں۔

پانی زیادہ کیوں پینا چاہیے

ڈاکٹر اطہر ماہر یورولوجسٹ ہیں۔ مرہم ٹی وی کے وی لاگ میں بات کرتے ہوئے ڈاکٹر اطہر کا کہنا تھا کہ گردے میں پتھری کے مریضوں کو پانی کا استعمال زیادہ سے زیادہ کرنا چاہئے۔ پانی کے استعمال سے پیشاب پتلا رہتا ہے اور معدنیات اور نمکیات جمتے نہیں بلکہ پیشاب کے ذریعے خارج ہوجاتے ہیں۔

سرکہ اور گرین ٹی

سرکے میں ایسٹک ایسڈ پایا جاتا ہے۔ سرکے کو پانی میں شامل کر کے پینے سے گردے میں پتھری بننے سے روکا جاسکتا ہے البتہ اس کا استعمال ہمیشہ ڈاکٹر کے مشورے سے کریں کیوں کہ زیادتی کی صورت میں یہ نقصان دہ بھی ہوسکتا ہے اس کے علاوہ اینٹی آکسیڈینٹس سے بھرپور گرین ٹی پینے والوں میں بھی پتھری بننے کا امکان کم ہوتا ہے۔

احتیاط

جہاں تک اس مرض سے احتیاط کی بات ہے تو اس کے لئے غیر ضروری طور پر دواؤں کے استعمال کی عادت چھوڑ دینی چاہیے کیوں کہ دواؤں کا گردے پر اثر ہوتا ہے اس کے علاوہ گوشت کم اور پھل اور سبزیوں کا استعمال زیادہ کرنا چاہیے۔ اس کے علاوہ کولڈ ڈرنکس اور باہر کا کھانا بھی کم سے کم کھانا چاہئے تاکہ جسم میں مانی کی کمی نہ ہو۔