دارچینی سے ایکنی کا علاج ہوسکتا ہے؟ جانیں دارچینی پاؤڈر سے جلد کے مسائل کا حل، اور فیس ماسک بنانے کا طریقہ

دار چینی باورچی خانے میں سب سے زیادہ استعمال ہونے والے مصالحوں میں سے ایک ہے۔ آپ اسے ذائقہ بڑھانے کے لیے کھانوں میں استعمال کرتے ہیں۔ لیکن کیا آپ جانتے ہیں کہ آپ اسے اپنی جلد کو ہموار اور صحت مند بنانے کے لیے بھی استعمال کر سکتے ہیں؟

دار چینی کو عام طور پر دالچینی کے نام سے جانا جاتا ہے اور اس کا ذائقہ میٹھا اور لکڑی کا سا ہوتا ہے۔ یہ نہ صرف گھروں میں کھانا پکانے کے لیے استعمال ہوتا ہے بلکہ کچھ ادویات میں بھی اس کا جزو ہوتا ہے۔ اس کے بہت سے صحت کے فوائد کے علاوہ یہ آپ کی جلد کو فائدہ پہنچانے اور اسے پہلے سے زیادہ چمکدار بنانے میں بھی کردار ادا کرتی ہے۔

دار چینی کے جلد کے فوائد:

پمپلز اور کیل مہاسوں کیلیئے:

دار چینی میں دانوں اور کیل مہاسوں کو ٹھیک کرنے کی خوبی ہے کیونکہ اس میں اینٹی بیکٹیریل خصوصیات ہیں جو آپ کی جلد کو صاف کرتی ہیں۔ دار چینی کا پاؤڈر شہد میں شامل کریں اور اسے روزانہ 10 سے 15 منٹ تک اپنی جلد پر لگائیں۔ یہ وقت کے ساتھ ساتھ پمپلز کو ٹھیک کرے گا اور آپ کو اندرونی چمک دے گا۔

دار چینی پاؤڈر، دہی اور ہلدی پاؤڈر آپس میں ملا کر فیس پیک بنا لیں، پھر اس پیک کو اپنے چہرے پر لگائیں اور اسے کم از کم 10-15 منٹ تک لگا رہنے دیں، اسکے بعد اسے دھو لیں۔ اس سے آپ ایک یا دو ہفتے کے اندر مہاسوں سے چھٹکارا حاصل کر سکتے ہیں۔

جھائیوں اور جُھریوں کیلیئے:

کوئی بڑھاپے سے نہیں بچ سکتا، لیکن ہم جُھریوں سے نمٹ سکتے ہیں۔ دار چینی پاؤڈر میں زیتون کا تیل ملا کر چہرے پر لگائیں اور 20 منٹ تک لگا رہنے دیں۔ پھر اسے نیم گرم پانی سے دھولیں۔ یہ آپ کی جلد کو اندرونی طور پر جوان کر دے گا۔ دار چینی میں پائے جانے والے اینٹی ٹاکسائیڈنٹس جلد کو جھریوں سے بچانے میں مدد دیتے ہیں۔

جلد کی سوجن کیلیئے:

اگر آپ کو لگتا ہے کہ آپ کی جلد سوجی ہوئی ہے اور آپ اس سے چھٹکارا حاصل کرنا چاہتے ہیں تو دار چینی بہترین آپشن ہے۔ اس کے لیے آپ ناریل کے تیل میں دار چینی کا پاؤڈر ملا کر روزانہ لگائیں۔ آپ پیسٹ بھی تیار کر کے محفوظ کر سکتے ہیں۔ آپ کے چہرے پر دار چینی کے پاؤڈر کا پیسٹ/ماسک لگانے سے سوزش کم ہو سکتی ہے۔