مسوڑوں سے خون آرہا ہو یا ہو دانت میں درد.. ڈاکٹر بلقیس نے بتائے چند جادوئی ٹوٹکے جو دانتوں کی تکلیف میں فوری آرام دیں

دانت ہماری صحت کا ہی نہیں بلکہ ہماری شخصیت کا بھی اہم حصہ ہوتے ہیں۔ لیکن عام طور پر دیکھا گیا ہے کہ اچھی طرح خیال نہ رکھنے کی وجہ سے لوگ دانتوں میں درد، ان سے خون آنا اور مسوڑوں میں پس پڑجانے جیسے مسائل کا شکار رہتے ہیں۔ اس آرٹیکل میں ہم اپنے قارئین کو ڈاکٹر بلقیس کے بتائے کچھ ٹوٹکے بیان کریں گے جو دانتوں کے مسائل سے نجات دینے میں مددگار ثابت ہوں گے۔

ڈاکٹر بلقیس کہتی ہیں کہ روزانہ اچھی طرح برش کرنے کے علاوہ پانی میں نمک ڈال کر ابالیں اور اس پانی سے غرارہ اور کلیاں کریں۔ نمک جراثیم کش خصوصیات رکھتا ہے۔

تھوڑی سی ہلدی میں نمک، دو سے تین قطرے لیموں کا رس (اگر مسوڑوں میں پس ہو تو یہ نہ ڈالیں) اور ایک چمچ بھر کر سرسوں کا تیل ڈال کر مکس کریں اور اسے دانتوں پر لگائیں۔ یہ منہ کی بدبو ختم کرنے کے علاوہ دانتوں سے ٹارٹر کی تہہ ہٹاتا ہے۔ منہ کے انفیکشن کو ختم کرتا ہے اور دانتوں میں جراثیم کی افزائش کو کم کرتا ہے۔

ادرک کو توڑ کر اس کا اندرونی حصہ پسی ہوئی ہلدی میں ڈالیں اور دانتوں پر ملیں. اس سے درد میں فوری آرام ملے گا.

مہندی کی پتیوں میں اینٹی بیکٹیریل، اینٹی وائرل اور اینٹی انفیکشن خواص ہوتے ہیں۔ انھیں پانی میں ابال کر اس سے کلیاں کریں۔

اس کے علاوہ پودینے کی پتیوں کا قہوہ بنا کر پینے سے بھی انفیکشن کا خاتمہ ہوتا ہے اور سانسوں سے ناگوار بو بھی نہیں آتی.