ٹوتھ پیسٹ کے کار آمد گھریلو ٹوٹکے

موجودہ زمانے میں کوئی بھی چیزکسی ایک کام کے لئے نہیں بلکہ کثیر مقاصد کے لئے استعمال کی جانے لگی ہیں انہیں ہی میں ایک ٹوتھ پیسٹ بھی شامل ہے ۔ یہ کئی طرح کے کیمیکل سے بنتا ہے جس کا ایک اہم جز فلورائیڈ ہے جو دانتوں کا صاف اور چمکدار بناتا ہے ۔ اسی کیمیکل کی بنا پر ٹوتھ پیسٹ اب صرف دانتوں کی حفاظت کے لئے ہی محدود نہیں رہا بلکہ بہت ساری چیزوں کی صفائی بھی اس سے ممکن ہے ۔

پرانے زیورات کو نیا بنائیں

اکثر زیور ات استعمال کی وجہ کالے ہو جاتے ہیں ،ان پر ٹوتھ پیسٹ لگا گر برش سے صاف کریں یہ بلکل نئے ہو جائیں گے ۔

موبائل کی اسکرین چمکائیں

موبائل کی اسکریں پر لگاکر کپڑے سے صاف کریں چمکنے لگے گی ۔

پرانے سکے صاف کریں

کچھ لوگوں کو پرانے سکے جمع کرنے کا شوق ہوتا ہے مگر کچھ عرصہ بعد یہ کالے ہوجاتے ہیں ۔ کسی پیالے میں ٹوتھ پیسٹ ڈال کر سکوں کو اس میں ڈال دیں پھر تھوڑی دیر بعد برش سے رگڑ کر پانی سے دھو لیں یہ صاف ہو جائیں گے ۔

گوند کی جگہ ٹوتھ پیسٹ لگائیں

لفافہ یا کاغذ چمکانے کے لئے گوند نہ ملے تو ٹوتھ پیسٹ لگائیں یہ بہترین گلو کا کام دے گا ۔

پیاز کی بو سے نجات کے لئے

پیازکاٹنے کے ہاتھوں میں اس کی بو بس جاتی ہے اس کے لئے ٹوتھ پیسٹ کی کچھ مقدار ہاتھوں پر لگا کر پانی سے دھو لیں پیاز کی بو ختم ہو جائے گی ۔

بچوں کی دودھ کی بوتل سے بو دور کریں

دودھ کی بوتل میں دودھ رہ جانے کی وجہ سے عجیب سی بو آنے لگتی ہے بوتل دھونے والے برش پر پیسٹ لگا کر اچھی طرح صاف کریں بو ختم ہو جائے گی یہی عمل آپ تھرماس کے لئے بھی استعمال کریں یہ بو ختم کر کے اس کے فلاسک کو چمکا دے گا ۔

دیوار سے مومی کلر تیزی سے ہٹائے

بچے دیوار کو بورڈ سمجھ کر لکھنا شروع کر دیتے ہیں اسے صاف کرنے لئے ٹوتھ پیسٹ لگا کر گیلے کپڑے سے صاف کریں دیوار سے داغ نکل جائیں گے ۔

فرنیچر پر پانی کے دھبوں نجات کے لئے

اکثر اوقات فرنیچر پر پانی کی بوتل رکھنے سے پانی کے نشانات نظر آنے لگتے ہیں جو فرنیچر پر بہت برے معلوم ہو تے ہیں اس پر بغیر جیل والا ٹوتھ پیسٹ لگا کر گیلے کپڑے سے صاف کریں اور پھر فرنیچر کو پالش کر لیں ۔
چونٹی کے کاٹنے سے جلن اور خارش ہو نے لگتی ہے اس کے لئے ٹوتھ پیسٹ سے بہتر کو ئی مرحم نہیں اسے لگائیں اور خارش سے نجات پائیں ۔

چائے کپ سے داغ صاف کریں

روز چائے کے لئے ایک ہی کپ استعمال کرنے سے اس پر نشانات پڑنے لگ جاتے ہیں اس پر ٹوتھ پیسٹ لگاکر دھو لیں یہ بلکل نئے ہو جائیں گے ۔