میک اپ سے کب تک حلقے چھپائیں گی؟ جانیں آنکھوں کو بدنما بنانے والے حلقوں سے جان چھڑانے کے 3 آزمودہ ٹوٹکے

زرا سوچیں آپ کہیں نک سک سے تیار ہو کر باہر نکلنے والی ہوں لیکن جیسے ہی آخری جائزہ لینے کے لئے شیشہ دیکھتی ہیں آنکھوں کے نیچے سیاہ رنگ کے حلقے چہرے کا سارا حسن ہی مانند کررہے ہیں۔ اس آرٹیکل میں آپ کو ان حلقوں سے جان چھڑانے کے 3 زبردست ٹوٹکے بتائے جارہے ہیں جو کم وقت میں بھی انتہائی مددگار ثابت ہوں گے۔

کافی کا ماسک

آدھا کھانے کا چمچ پسی ہوئی کافی لیں اور اس میں آدھا کھانے کا چمچ شہد ملا کر پیسٹ بنا لیں۔ اس پیسٹ کو حلقوں پر لگا کر15 منٹ کے لئے چھوڑ دیں۔ بعد ازاں ٹھنڈ پانی سے آنکھیں دھو لیں۔ یہ نہ صرف آنکھوں کے نیچے سیاہی دور کرے گا بلکہ آنکھوں کے پاس خون کی روانی بہتر بنائے گا جس سے آنکھوں کی تھکن دور ہوگی۔

دودھ کا ماسک

دودھ میں برف کا پانی ڈالیں اور روئی کو اس پانی میں ڈبو کر آنکھوں کے گرد لگائیں۔ 15 منٹ بعد تازے پانی سے چہرہ دھو لیں۔

رات کو لگانے کے لئے

اگر آپ کسی ایسی چیز کی تلاش میں ہیں جو رات کو لگا کر سو سکیں اور وہ رات بھر حلقے کم کرنے میں اپنا کام دکھا سکے تو اس کے لئے بادام کا تیل بہترین چیز ہے۔ تھوڑا سا بادام کا تیل آنکھوں کے نیچے ہلکے سے لگائیں اور سوجائیں۔ صبح اٹھ کر چہرہ دھولیں۔ یہ عمل ساری جلد پر بھی کیا جاسکتا ہے جس سے چہرہ دمک اٹھے گا۔