توا فرائی فش
اجزاء:
نوٹ
واضح رہے کہ یہ اجزاء اور ان کی مقدار زیادہ افراد کے حساب سے رکھی کی گئی ہے۔ آپ اپنے گھر کے افراد کے حساب سے مقدار کو کم یا زیادہ کرسکتے ہیں۔
مچھلی = 11 کلو
لیموں = 7 ،8 (رس نکال لیں)
کٹی مرچ = 4 کھانے کے چمچ
پسی مرچ = 4 کھانے کے چمچ
نمک = حسب ذائقہ
ہلدی 2 کھانے کے چمچ
اجوائین - 2 کھانے کے چمچ
دھنیا پاؤڈر = 4 کھانے کے چمچ
تیل = 2 کھانے کے چمچ
سرسوں کا تیل = تلنے کے لئے
ترکیب:
توا مچھلی کے لئے ہمیشہ بڑے سائز کی مچھلیاں خریدی جاتی ہیں۔ سب سے پہلے مچھلی کا سر، چھلکے اور پر وغیرہ الگ کر کے اچھی طرح صاف کر لیں اور بیچ سے 2 حصوں میں کھول دیں۔ اب مچھلی کو اچھی طرح دھوئیں۔ پھر اوپر بتائے ہوئی تمام اجزاء بشمول تیل (سرسوں کا تیل نہیں، وہ صرف تلنے میں استعمال ہوگا) کو بھی مکس کر کے مصالحہ تیار کریں اور مچھلی کے کھولے ہوئے حصے پر اچھی طرح لگا دیں۔ اب مچھلی کو 2 گھنٹوں کے لئے میرینیٹ ہونے چھوڑ دیں۔
تلنے کا طریقہ
اب بڑا سا توا چولہے پر چڑھا دیں اور تلنے کے لئے سرسوں کا تیل توے پر ڈال کر گرم گریں اور مچھلی کو دونوں سائیڈ سے اچھی طرح تلیں۔ لیجئے مزیدار توا مچھلی تیار ہے۔ اسے ہری چٹنی، کیچپ یا رائتے کے ساتھ پیش کریں۔
Posted By: Khush Bakht, Karachi
Add Your Recipe